احس قلبي يعورني واحتاجكم بنات 💔💔💔

انا تزوجت قبل سنه و ٩ شهور بالضبط وعمري الان ٢٧
طبعاً قبل الملكة لابد اكلمه عشان ما ادخل حياة شخص وانا ما عندي علم فيه واكتشفت ان التصرفات ما تبان
الا بعد ما تعاشرين الشخص

زوجي بالمختصر عديم المسؤولية
بارد اتجاهي - ما يحب اول ما نصحى من النوم يجلس معي - يدخن قدامي ولا يحترم وجودي كزوجة - ما يهتم بشعوري وكاني شخص مالي وجود عنده بالبيت - من تزوجته ولا عمره راح مسجد الا مره دايم يصلي بالبيت - ضعيفه علاقته من الله - يشوف افلام فيها مخله بالدين وقدامي عادي - يكذب علي ويستغفلني رغم اكتشافي له - واكشتفت انه يسوي العادة السريه - والظاهر والله اعلم انه يشرب - كل ما اتفنن بطبخه يكرهني في الطبخه لدرجه صرت ما عاد اهتم للمطبخ واهملته - كل ما اقول يالله نطلع مع بعض نتمشى يتعذر تعبان مافيني حيل بس لو صديقه دق وقال يالله على طول يروح التعب وينبسط معاه - صايرة امل في بيتي ما احس ان عندي احد يشاركني يومي ويسولف معاي كاني شخص ساكن معاه بالشقه مو شخص مهم بالنسبه له - ما يحسسني اني زوجته ودايم يكسر شعوري رغم اهتمامي له

الشيء الايجابي اللي فيه
حتى اكتشفت قبل فتره يكلم بنت وحذفها لما تهاوشت معاه بس انا نفسيتي يا بنات تدمرت

الحمدلله انا مافيني عيب جميله ورشيقه وانسانه مُفعمه بالايجابية فيني كريزما والكل يحب يجلس معاي وينبسط حياتي في بيت اهلي كنت في جنه احس من تزوجت كبرت مليون سنه مو هذي انا

والمشكله لو بنفصل انا احامل 💔
حتى رغم همي هذا كله الجنين تعبان وتعبت نفسياً معاه ما ادري يحيى ولا ربي ياخذ امانته مني
وعلى هذا كله ما شفت اي اهتمام ومدارات او خوف علي
يقول اني احبك واموت فيك بس التصرفات تثبت عكس الكلام اللي يقولهحسيت ان بحياته شخص جالس يخليه يبعده عني
لكن انا شاريه زواجي لكن لو باعها بتحسر على تمسكي وتضيع عمري مع شخص ما حبني الا مجرد كلام

بنات تكفون ابي اسمع كلامكم لاني تعبت نفسياً من كل شيء واللهم لا اعتراض 💔