عواطف تركي . :

ماراح اتكلم عن قرار الزواج لان ببساطه انتي حره مو لازم تتزوجين هذي حياتك تعيشينها باللي يناسبك لكن بتكلم عنك انتي بعد ما قرأت تعليقاتك ما تشوفين انك صار لازم تنضجين ؟ مو معقوله 28 سنه من عمرك عشتيها وانتي ولا مره عصبتي او مريتي بمشكله او خلاف مع شخص ومو معقوله ما عشتي تجارب اجتماعيه او عائليه كان لها تأثير عليك كأنسان طبيعي يشعر ويتألم ويعطي رد فعل اذا ما حصل معك ولا شي يعني انتي جامده والعالم من حولك يتحرك ويتطور الكلام اللي تقولينه عن الدلال والرفاهيه والراحه ماله أي علاقه في انك ترغبين بالزواج او لا اغنى الاغنياء واللي حياتهم ثراء هائل وكل شي متوفر لهم يحبون يتزوجون ويخلفون مره ومرتين وثلاث بعد الخلل هو في الذات الشخص نفسه يكون عايش عالم اخر وهمي او ربما بطريقه لا واعيه يحط كل هذي المواصفات والمعايير فقط عشان يهرب ربما لانه غير مهيء من الداخل انه يحمل مسؤليه او يجرب وخذيها صريح المثاليه وهم ولو كانت المثاليه موجوده ماكان خلقنا رب العالمين في الدنيا كان مباشره عشنا في الجنه بمثاليه وارجع اقول انتي حره تتزوجين او ما تتزوجين هذي حياتك تعيشينها مثل ماتبين لكن في جانب يتعلق بتحمل المسؤليه ومن ضمنها تحمل مسؤلية قرارك مع تبعاته بمعنى انك اخترتي تكونين عازبه فلازم تبدأين تحملين مسؤليتك تتوظفين تصرفين على نفسك تقضين كل إلتزاماتك بنفسك وتدفعين فواتيرك ومواصلاتك وتواجهين ظروف المجتمع والحياه بكل قوه وشجاعه لاننا ببساطه في الحياة الدنيا جينا لها عشان نخوض تجارب ونتعلم دروس وبكل مرحله من حياتنا نكتسب نضج اعلى من اللي سبق

ماراح اتكلم عن قرار الزواج لان ببساطه انتي حره مو لازم تتزوجين هذي حياتك تعيشينها باللي...

هنادي :

حتى انا احس ما فيه احد يستحقني حتى لما حبيت شخص احسه ما يستحقني ولا فيه الأشياء اللي كنت اتمناها تكون في فارس احلامي ما اعرف وش اسميها ممكن انا هبلا بزياده ما ادري 

حتى انا احس ما فيه احد يستحقني حتى لما حبيت شخص احسه ما يستحقني ولا فيه الأشياء اللي كنت اتمناها...

مها سلطان :

اكيد انا اعصب وعندي صديقات واهل نختلف احيان انا اتكلم على الزوج بالذات وبشكل خاااص ما اقدر اتقبل ان ذا الانسان الي بعيش معه ويكون حرفيا قريب جدا مني وشريك حياة يعصب علي او يقول كلمة تزعلني، ما عاد راح اتقبله يعني الزواج مسؤولية ماني قدها ولا ابغى اتعب نفسي فيها انا عايشة براحتي اقوم بالوقت الي ابي وارتاح وقت ما ابي واطلع بالوقت الي ابيه لكن بالزواج بتختلف حياتي وبيكون عندي زوج وعندي عيال احسب حسابهم اتمنى تدعون لي ان الله يختار لي الي فيه الخير بزواج او بدون زواج لاني جد محتارة

اكيد انا اعصب وعندي صديقات واهل نختلف احيان انا اتكلم على الزوج بالذات وبشكل خاااص ما اقدر اتقبل...