شوفي اختي انا شاركت من قبل ورجعت لموضوعك لاني اعاني نفس مشكلتك ، صديقاتك محد يعرفهم ومعاشرهم كثرك ، ممكن البنات يتعاطفون او يتكلمون بشكل عام لكن انتي عارفة حالك وعارفة صاحباتك ، اذا حاسة انك مو مرتاحة معاهم وانهم جايبين لك الاذى اكثر من الراحة تركيهم ، صح كلنا نحتاج شخص نكلمه ويكلمنا ونسال عنه لكن مو معناته اني اربط نفسي باشخاص ممكن يمرضوني بسبب اني بحاجتهم ... انا مثلك كان عندي صداقات وعشرة لكن تعبت منهم ، ماجابو لي الا الاذى ، حرام اظلمهم واقول اني ما شفت منهم خير لكن الاذى اللي جاني كان اكبر ، وانا كنت حازمة وقوية واخترت اني ابعد عنهم ....
وبعدها مريت بحالة احباط قوي وحسيت ان فيني شي غلط ، ليش انا ماعندي صداقات ؟ ليش ما اقدر اتعرف مثل باقي الناس و اسوي علاقات تستمر ؟ ليش وليش وليش .... الى ان وصلت الى اقتناع ريحني تدرين بشنو فكرت ....
فكرت ان النفوس العالية مثلك ومثل كثير اخوات ما تتوافق مع ناس عاديين ودنيويين ، شوفي مثلا سيدنا محمد صلى الله عليه وسلم من قبل الرسالة كان صاحبه الوحيد هو ابو بكر رضي الله عنه ، وابو بكر كان من بين الكل هو الوحيد اللي عمره ما شرب و لا فعل اللي يفعله قومه ، شوفي شلون نفس الرسول الشريفه توافقت مع شخص مثله ......
لما ما تلقيت بالعالم احد مثلج ويفهمج عرفي انك شخصية مميزة وانهم هم اللي مو مثلك ، لا تفهمينمن كلامي انني متعاليه او متكبرة على الناس لاسمح الله لكن انا ما اصاحب وحدة تكلم رجال ولا وحدة مو متفهمه و افقها ضيق عشان الناس ما تقول متعاليه ....
اتمنى قصدي يوصل واتمنى اكون فدتج والله يرزقني واياك الصحبة الصالحة .....

الحمدلله عندي زوج لكن مو هذا كل شي ؟؟ بحاجه لصديقه تفهمني وتشاركني افراحي وبعيد الشر احزاني بحاجه لانسانه اتواصل معاها تسأل عني واسأل عنها احسها حقيقي صادقه وتفهمني وافهمها ؟؟

قلتي إلا في خاطري

في هذا الوقت مافية صداقة على قد ما الواحد عزم وقهو وعشاء الأ انه بمجرد ما تطلع من بيتك تنساك تجلس بلاشهر ما تكلم ولا تسأل هذي حال الدنيا وكلا مشغول في حياتة مو بس من الصديقات كذالك من لأهل

وهذا اللي أنا ناووية علية بلا صديقات بلا هم أمي وخواتي هم صديقاتي اللي يحبوني ويفرحون لي ويخافون علي وغيرهم لأ

للجميع دون استثناء الف شكر
اشواق القلوب الله يجزيك كل خير كلامك والله مثل البلسم وخفف عني بعض الاحباط
حقيقي انا ما ابي ملاك لكن انصدم واتفاجأ من الي حول ..... صديقاتي الي ذكرتهم عشرة سنين طويله وهذا انا مو مقتنعه ابد بتصرفاتهم حاولت اني اكون صداقه مع قريبتي الي ارتحت لها نوعا ما الا مثل ماذكرت مافيه وحده الا تكلمت عنها وكلما ااول اتقرب اقول يمكن تفكيري شوي يأثر عليها الا بالعكس مو بس تتكلم الا تذم في والد زوجها وتمنع زوجها انه يعطي ابوه صراحه مارتاح لهالصفات الي عكسي تماما انا تفكيري غير انا الي اقول لزوجي هذا والدك لا تنساه وكلما عطيته الله يرزقنا اكثر يكفي دعوه منه ....الخ
قريبتي الثانيه بعد ارتاح لها تفاجأت بتصرفات غريبه جددا ماكنت اتوقعها فاصبت بخيبة امل واحباط صارت ساكنه مع اهل زوجها وزوجة عمها الي هو والد زوجها مخليتها مثل الشغاله عندها هي قريبتي ماتسوي شي بالمره لا تطبخ مع انها مش عروس صار لها سنتين تقريبا متزوجه او اقل بشوي وعمها كبير في السن احيانا يركب لها فوق عشان يودي لهم الاكل لانها ماتطبخ ولا تنزل حتى ؟؟ تخليهم مثل الخدم وزوجها تغير صار يعصب لاتفه الاسباب على ابوه وزوجة ابوه الي تخدمهم اشوف هالشي بعيني بالله عليكم انا غلطانه ان يجيني احباط ؟؟ واحس ان بالفعل مافيه انسانه تحمل بعض الصفت الي اتمنى تتوفر في صديقه لي ؟؟ بالفعل انا غير والله ان هالبنت القريبه لي تفاجات انا لو مكانها مستحيل اسوي كذا بوالد زوجي الا انا الي اسوي لهم واكرمهم وانا الي اقدم لهم الاكل مو هو مسكين كبير في العمر يركب لي فوق ؟؟؟!! وخلاص حسيت ان من الصعب القى انسانه صديقه عقلانيه ملتزمه تقدر الصديقه ماتنسى المواقف الحلوه ابد ....... انا والله لو حركه بسيطه حلوه ما انسى ابداااا اقدر اي اسلوب او عطاء مانسى اي تصرف حلو لكن الي اشوفه في غيري غيررر