مرحبا تجر لكم أهلا وسهلا
يا حيا الله الجميع وعسى الله يطول اعماركم بالصلاح والرضى
بسألكم سؤال ونبيه يكون نقاش فعال الجميع يستفيد منه بلا استثناء
السؤال كالتاااالي
جهزوا قلم وورقة >>> قصدي ركزوا
كيف تحترمون الناس ؟ بعبارة أخرى من يستحق الإحترام بنظركم ؟؟
هذا السؤال مدخل للي أبي أقوله
كيف نحترم أصلا اللي ما يحترم نفسه ؟
بقول لكم مواقف أحكموا عليها تستحق الإحترام أم الإحتقار أوعلى الأقل التعجب وبالتالي كلها بنظري تستدعي عدم الاحترام
_ واحد مايراعي أنظمة المرور وبمجرد ما يشوف دورية أو تفتيش هوب ربط الحزام\\:confused-
_ وحده تمشي تتمرقع وتستعرض وبمجرد ما تشوف الهيئة هوب نزلت الغطوة ومشيت سيدة\\:mad:
_ واحد بالبيت مع زوجته سكتم بكتم وان قابل احد اخوياه بالسوق يادين الله بالقوة يسكت كأنه بالع كاسيت\\:a_smil17:
_ وحده ما تهتم ببيتها ولا دينها ولا عيالها وان شفتيها بجمعه سمعتي حكيها عن دور الام والزوجه مسكتي راسك وشكيتي انك مقصرة\\:crap:
_ واحد قدام زوجته أسد من الشدة والحكمه ووخروا عن طريقه وأمام ربعه ومن يعز عليه قطو>>>ويهاب يقول لهم تلت التلاته كااام\\:baby2:
_ وحده بالمدرسة غير المنزل غير المركز لها الف شكل والف لون\\:unhappy:
_ واحد اليوم يحب الهلال وبكرى يشجع النصر وعقب لامانع الاقوى >> لزوم الفرفشه\\:confused:
_ وحده ما تنمص ولا تحط رموش وبقدرة قادر سالت خويتها شيخ عن طريق رقم جوال لاينعرف له اسم او موقع او شهاده غير انه ابو فلان وصارت تشقر اشوى >>طلع صويحي نوعا ما وقالها حرام النمص حلال تركيب الرموش وصارت ام عيون قتالة بيوم وليلة\\:icon810:
_ واحد يترك العمالة ببيته لان عنده ترميم ويروح يكبر مخدته ويترك زوجته وعياله اما ينحبسون بمكان الين يصحى او يتجولون بالدار حتى بوجود العمال \\:icon32:
_ وحده تقول الخادمه ماتلمس عيالي ولا تقرب منهم وهي تنوم وتخليهم مع ها الشغاله تفطرهم وتلعب معهم وتسحبها بالاسواق وعند الزيارات عشان تنتبه لعيالها وتشيل الصغار منهم ولا تزال مصره ان الخادمه مالها علاقه بالصغار\\:icon33:
_ واحد يأمر بالمعروف و ينهى عن المنكر وهو صلاة المسجد مايدلها الا يوم الجمعه وكمان يروح متأخر والبقيه في البيت ومتاخره ينقرها نقرا\\
_ وحده تقول انها تخاف الله ومطوعه وهي
ضيفها ما تكرمه وتتحسب عليه وتغتاب وتقلل من قيمة المسلمين ولا هي الصح وبعدها الطوفان\\
_ واحد يسولف بمجالس الرجال ان زوجته حطت وزوجته فعلت ووو وهو ياويلك تمتدحين الشيخ الفلاني او الدكتور العلاني\\
_ وحده من بيت لبيت تدور وتسير وتوجب واكره ماعليها أحد يفكر يزورها واذا كانت السنة365 يوم فهي 300 برى 60 يوم بلحالها 5 عندها ناس ومو هي عازمتهم لا مجبره يوم دخلوا عليها\\
_ واحد يحتقر متابعة الناس للمسلسلات أيا كان نوعها ومنها التركية بوجه خاص ومايشوف لها فايدة وهو في محلات الفيديو لافلام امريكيه وفرنسيه وحتى يابانيه ومدري وش جنى منها فايده لانه الى الان يرى المرأه أقل ومايساعد بالبيت الا للمنه \\
_ وحده من عرض الناس وديون وبلاوي فوق راسها ومن تجلسين معها وبدون سؤال تقول بيرشكا عنده كذا وشريت من الدو كذا وبلوزتي قبل الخصم بكذا\\
_ واحد يشوف نفسه معاون في المنزل وحريص على اولاده وهو مايذاكر لهم الا بالموت وبالتذكير وخميس وجمعه ماهنا امل يمسكهم الا الجمعه مساء وفقط مادة وحده تجهلها الام وياويلكم لو تفتحون بؤكم\\
_ وحده ماتحب اللقافه وهي ماتخلي احد ما سالته وين رحتم ومتى جيتم ووش سويتم وبكم اشتريتم وورى ماحملتي\\
_ واحد يقول انه محترم زوجته وهو بكل ريسبشن يتبوسم من حلاة السنون الله يخلف والا مناظر في زعطانه ومعطانه ومايحلى له يدلع عياله الا بالمجمعات امام شلل البنات \\
_ وحده عمرها كبير وتصرفاتها وحديثها ولا مراهقه أم 15 سنة وياكثر ماتحب وياكثر ما تعجب وماغير تردد ذا المدح وذا الاعجاب على الجميع وتراه من منطلق الاخوه\\
_ واحد يشوف الظلم بعينه يقع من اهله على زوجته ويقول انه يخاف الله ويهرب من مواجهة المشاكل وكأنه نعامة\\
_ وحده معلمه تجي بالميك اب والجزمه وش طولها كانها رايحة لزوارة وكلمتين تشرحهم على بعضهم ماتعرف وتزعل بعد\\
ترى فيه واااجد امثال
هذا بعض مما عندي اسهبوا واضيفوا وناقشوا
وها الصور اللي ذكرتها اقل ما يتوجب علينا اذا شفناهم او ان طالبوا او امتعضوا من عدم احترام الناس لهم >>> أننا قول لهم اللي مايحترم نفسه ويفرض احترامه وتطابق اقواله افعاله محد يحترمه
وياشين السرج على البقر
المدعي مكروه .. والمرائي مقيت .. والإمعة مقزز..والشخصية تبان من دون رتوش أو اثباتات
وسلامتكم
دمتم بود
مـــوهـــومـــه* @mohomh
كبيرة محررات
يلزم عليك تسجيل الدخول أولًا لكتابة تعليق.
_ واحد يأمر بالمعروف و ينهى عن المنكر وهو صلاة المسجد مايدلها الا يوم الجمعه وكمان يروح متأخر والبقيه في البيت ومتاخره ينقرها نقرا\\ ويخطط يتزوج حافظة قران وهو حتى قران ماعنده
ياختي اغلب الناس كذا
الله يصلح الحال
ياختي اغلب الناس كذا
الله يصلح الحال
موهومه انتي بطله
السابق ذكرهم بالموضوع ناس مرضى ماعندهم قناعات
ذكروني بمقولة لكل عمله وجهان >> مدري مناسبه ولا لا
بس اكثر ما يقهرني في الحياه الملاقيف الواحد موفاضي يشوف حياته عشان يراقب الناس وهذول كل واحد عينه على جاره ويش ياكل وايش يلبس
الاعلى فكره
عادي مايربط حزام الامان غير لاشاف تفتيش صراحه الحزام يضايق
ما أقول لك الا بيض الله وجهك على الموضوع
وعسى الله يوفقك وتجيبي الاولى
السابق ذكرهم بالموضوع ناس مرضى ماعندهم قناعات
ذكروني بمقولة لكل عمله وجهان >> مدري مناسبه ولا لا
بس اكثر ما يقهرني في الحياه الملاقيف الواحد موفاضي يشوف حياته عشان يراقب الناس وهذول كل واحد عينه على جاره ويش ياكل وايش يلبس
الاعلى فكره
عادي مايربط حزام الامان غير لاشاف تفتيش صراحه الحزام يضايق
ما أقول لك الا بيض الله وجهك على الموضوع
وعسى الله يوفقك وتجيبي الاولى
موهومه انتي بطله السابق ذكرهم بالموضوع ناس مرضى ماعندهم قناعات ذكروني بمقولة لكل عمله وجهان >> مدري مناسبه ولا لا بس اكثر ما يقهرني في الحياه الملاقيف الواحد موفاضي يشوف حياته عشان يراقب الناس وهذول كل واحد عينه على جاره ويش ياكل وايش يلبس الاعلى فكره عادي مايربط حزام الامان غير لاشاف تفتيش صراحه الحزام يضايق ما أقول لك الا بيض الله وجهك على الموضوع وعسى الله يوفقك وتجيبي الاولىموهومه انتي بطله السابق ذكرهم بالموضوع ناس مرضى ماعندهم قناعات ذكروني بمقولة لكل عمله وجهان...
لـــي عوده ..
بحول الله وقوته ..
دمتِ قريبــه ..
الصفحة الأخيرة
مبدعة كعادتك في طرح المواضيع..
حجز مقعد وسنعووود قريباً..
حفظكِ الله..