احــــذري مـــــن كل ســـــواق مـــــو على كفالتـــكم

هلا خواتي الموضوع هذى بكتبه تجربة شخصية حصلتلي في السابق وحبيت اشاركم فيها حتى تعم الفايده ويكون الحذر هو شعارنا بالتعامل مع الاجانب ...

في فترة سابقة ليست ببعيده اضطريت عندما سافر سائقنا الخاص بأن اتعامل مع سائق بأجرة خاصه يوصلني لعملي ثم يعود ليأخذني في بداية عمله كان جدا محترم وثقه واستمر معاي شهرين في بداية الشهر الثالث حسيت بتغير ..

يحاول انه يفتح مواضيع معاي ومع اني في كل مره اقوله ركز في الطريق وبلاش كلام لاكن يرجع اليوم الثاني يحاول نفس المحاولة .. وطبعا لما اكون معاه ادعي بدعاء الخروج من المنزل واستغفر لين اوصل دوامي ...

ومره يقول مدام ليش انت مافي كلام انا في اخوي كثير جميل وابيض وهو يبغى يصير سواق مافي صديقه ولا اخت ثانية يبغى سواق ؟؟ :icon33: وانا ساكته واقول لأ لأ

بعدها بأسبوع لما ركبت السيارة وقطعنا نصف المسافة طلعلي كيس وفيه زي الكور مدوره بيضاء بيتناثر منها بودره بيضاء زي السكر المطحون وقالي يامداام خذى واحد هذى حلا عشان اخوي جاب بيبي ...

وكنا عند الاشارة والله جسمي كله اتكهرب وحسيت بخوف عمري ماحسيته وقلت خليك ذكيه وسايريه بس لين توصلين دوامك اخذت حبه ولفيتها بمنديل ودخلتها الشنطه وقالي ليش مافي اكل اكل الحين ..؟؟ ومصر اني اكلها الحين

دخلت ايدي بالشنطه وبسرعة قطعتها باصبعي نصين وعملت حالي اكلها من تحت النقاب وطلعتها وهي مقسومه وقلت شكرا لذيذه وهذى كله من الخوف طبعا :(

اول ماوصلت دوامي دقيت على اخوي وقالي احتفظي بالحلاوة لين تجين البيت ولا ترجعين مع السواق الظهر انا جايلك ..

لما رحت مع اخوي وكان وقتها السواق واقف ينطرني اخذ اخوي رقم اللوحه حقت السيارة ومشينا وخلينها ودق عليه اخوي من جواله يقوله لا عاد تجي ابدا لفلانه ...

اخذ قطعة الحلاوة ووداها لصديق له بالتحقيقات ولما وراه له انهبل قاله اشلون مخلي اختك تروح وتجي مع سواق مو على كفالتكم ومروج مخدرات ؟؟

هذى الطريقة اغلب مروجين المخدرات الباكستانيين يعملون فيها الحين ومسكنا منهم عدد كبير ..

طلعت الحلاوة عبارة عن نوع من الحلاوة معجون مع بودرة المخدرات المطحونه وهذى طريقتهم الجديده بالتوزيع والي ياكلها يدمن عليها ويصير يطلبها كل مره ..

والله سجدت لربي وحمدته اني طلعت سالمة من سيارته ذاك اليوم والهمني الخدعة الي سويتها بالشنطه عشان اخدعه واوهمه اني اكلت الحلاوة :( والله ماستر علي إلا دعائي قبل لا اطلع وكثرة استغفاري وذكر الله لين اوصل

فانتبهوا منهم ولا تثقون بأي احد واذا اضطريتوا لأي سواق مو على كفالتكم اهم شي خلي ابوك او اخوانك يتفاهمون معاه وياخذون صورة من الاقامه حقته ورقم لوحة السيارة عشان يعرف انه وراك رجال ولا انتي لوحدك ...