اخبار الصبايا عسى الكل بخير لكم وحشه
المهم ندخل في المفيد
** المقـــاديــر **
علبة ونص بسكوت شاي
اصبع ونص زبده
3 ظروف دريم ويب
علبه كبيره جبنه فلادلفيا
علبه من حشوة التارت بالكرز
** الطــــريـقـــة **
"الطبقة الاولى"
في الخلاط بسكوت الشاي والزبده وتكون الزبده بحراره الغرفه يعني مو مذابه بعدين ترص في الصينيه
"الطبقه الثانية"
نخلط الدريم ويب بالمضرب حتى يتضاعف حجمه نضيف الجبنه ونخلط مره ثانيه وبعدين نحطه على طبقه البسكوت وندخله الفريزار لحد مانجهز الطبقة الثالثه
"الطبقة الثالثة"
نفرغ حشوة التارت في صينيه خارجيه نقسم كل حبة كرز نصفين عشان يكثر ونضيف شوي سكر عشان مايكون حامض وبعدين نحطه على طبقه الدريم ويب ويترك في الثلاجه لين يجمد
وهذي الصوره النهائيه
((ملاحظه)) حجم الصينيه وسط
وبالهنا والعافيه على قلوووبكم