اذكرك كنتي معاي بحملي اللي سقطته قبل
بس اسمحيلي انتي غلطانه مره
ذيك الايام قلت لك انا وكذا بنت سوي ربط ورفضتي قلتي اخاف وامي تعيي ومدري ايش
يختي وش بيضرك لو سويتيه والله مايخوف ولا يستاهل نص خوفك منه
شوفي كلنا سويناه مرره ومرتين وفيه حريم سووه بكل اطفالهم 6 اطفال و7!
والله انه شيل الضرس اشد منه
وبعدين كلنا خوافات ونتعب بالحمل بس وش نسوي هذا اللي ربي كاتب لنا ولازم نتكل على ربي ونفعل بالاسباب ونسوي اللي نقدر عليه
وانا ترى مثلك كل تحاليلي سليمه مافي تحليل ماسويته والمره اللي راحت مسويه ربط بعد وسقطت
بس توكلت على ربي بحملي هذا وسويت الربط وانا عارفه انه مو هو الللي بيثبت حملي بس ولو لازم اسوي اللي يريح ضميري واعتمدت على الدعاء والقرآن والرقيه الشرعيه وياربي لك الحمد وصلت مرحله اول مره اوصلها بحملاتي ماشالله والله يتمم لي لين التاسع يارب
وبعدين كيف تفكرين بالطلاق وانتي توك يختي فيه حريم تسقط على 6 -7 مرات ولافكرن مثل تفكيرك!
تعوذي من بليس ياخيتي وافرشي سجادتك وادعي الكريم اللي ماتنام عينه واطلبي حمل سليم ثابت
وتصدقي ترى الصدقه تدفع البلاء وتفرج الهم ان شالله
وان شالله تجينا قريب تبشرينا عن حملك وتسأليننا عن الربط :)





طيب انتي هم قالوا لك تحتاجين ربط ولا انتي خايفه؟!
واذا هم قالوا لك بناء على ايش؟

كويس يعني يشملها التأمين اشوووى
لا تخيلي 7الاف بدون الولاده بس هم اصلا البريطاني غالين مره خصوصا اول مافتحوا
تخيلي هي خذت جناح الامبراطوره هذا اغلى جناح وكلفها مع الولاده واقامه 6 ايام 30 الف !!

عادي ترى اغلب الحوامل يجيهم ذا الالتهاب وانا منهم وخذيت مضاد وخف بس ماراح وهاليومين شاكه انه رجع الله يستر منه
كثري مويه على ماقالوا البنات وبيره
والحديد 9 موشين ترى بس دكتوراتنا يحبون يكبرون المواضيع
وحده اعرفها كان دمها 9 وكانت بأمريكا ببعثه ودكتورتها ماسوت لها شي زياده بس الحبوب العاديه لا ابر ولا شي
كثري خضروات وخصوصا الجرجير

احم :rolleyes:قصدي ابره الرئه

ياعمري اسأل الله العظيم ان يثبت حملك ويرزقك جنينك سليم معافى
والحمد الله دامك وصلتي هالمرحله حتى لو ولدوك يقعد البيبي بالحضانه فتره ويطلع
كثييييير بنات اعرفهم ولدوا اخر السابع واول الثامن والحين عيالهم يهبلون مافيهم الا العافيه
طيب ياالوان قصدك تحجر ماسك طول الوقت ولا تحجر يروح ويجي
لأني انا يجي التحجر ثواني ويروح ويرجع بعدين وهاليومين كاثر والله الله يستر

ان شالله طبيعي
والله انا يانعومه اعاني منها ذا الافرازات الصفراء على قولتك اول مااصحى وتجيني بعدين بعد بس مطنشتها
لأن خواتي يقولون الحامل ياكثر افرازاتها
تدرين انا احط فوط كير فري اليوميه لأنه ايام تكثر مره

الا يعطون الحكومي شوفي روز عطوها وهم حكومي
بعدين سعرها اتوقع ارخص بالاماكن الثانيه انا اقولكم 7 لأني طارت عيوني كثير مره

الله يتمم لك ولنا ان شالله
والامساك انا اعاني منه كثير
والله هاليومين جايني انواع الالام والتحجر مدري من ايش يارب مايكون طلق الله يستر
عندي موعد السبت الله يطمني يارب

ايه حياك الله اوكي ماربطتي بس عانيتي مثلنا من صعوبه حملك
وماشالله يمكن ماتحتاجين ربط
طيب وشي المويه اللي نزلت عليك بالخامس ؟افرازات يعني ولا من مويه الجنين؟
وانتي عندك سكر قبل الحمل ولا سبحان الله من الابره
الله يعينك على اسئلتي:17:والله يتمم لك ويرزقك الذريه الصالحه

خياله ياقلبي خلي التوتر عنك انتي ماسألتي سؤال نحدد عشان احد يرد عليك:26:

بنــــــــــــــــــــــــــــات
اليوم جتني معلومه من وحده اعرفها صيدلانيه ان الزبادي مع الثوم ممتاااااااااااااااااااااااااااز للألتهابات سواء من تحت او التهابات المسالك
تقطعين الثوم قطع وتاكلينه مع الزبادي مو لازم تعلكينه
لا تعلكونه بعدين تقولون صرعنا اللي حولنا بالريحه:tongue3:

شكرا يارمومه على الاهتمام وردك على بس امانه اسالي الدكتور عن كل شي انتي دخلتي السابع ولا باقي

ادعولي افررررررررررررررررررح بحملي هذا وارتاح تصدقون حتى الناس مااقبل احد والله خايفه من كل شي وبس حياتي تفكير بتفكير الله يفرجها يارررررررررررررررررررررررررررررررررررررررب

كان عندي ألم يوم رحت لدكتوره قالت لي عندك طلق وأنت لسه ما دخلتي الخامس وأعطتني علاج لمدة أسبوعين وان شاء الله أراجعها الأسبوع الجاي وقالت برضوا عنق الرحم إحتمال قصير و نخاف من الولادة المبكره لاسمح الله
نفسي أعرف سبب قصر عنق الرحم ..؟



ان شاء الله تفرحين بحملك
أختي نصيحتي لك تتوكلين على الله وتقرين على جنينك 7 مرات الفاتحة مع شرب ماء زمزم بيقين إن شاء الله يتم حملك على خير وتفائلي .

وش تبين ياقلبي اذا عندك اي سؤال انا اسأله السبت ان شالله
ليه عاد ماتشوفين الناس ترى عشان كذا زادت عندك الوساوس والتفكير
الا قابلي الناس واطلعي ووسعي صدرك الجبسه والتفكير بس بيزيدك اكتئاب على غير سنع


ياقلبي الله يتمم لك يارب
وشو العلاج اليوتوبار؟
وماقالت لك راح تسوي لك ربط؟
اذا قرروا لك ربط لا تخافين حبيبتي سويه وتوكلي على الله
وقصر العنق مدري والله بس سبحان الله حنا يكون طبيعي قبل الحمل ويقصر كل ماتقدم الحمل


روزالينا وحشتينا:26: