احفظي خصوصيتك بالسناب.

احفظي خصوصيتك بالسناب (:


احفظي خصوصيتك سواء كنتي عزباء او متزوجه
مايحتاج تقعدين تصورين كل شي وخاصه ان بعض
الازواج يرفضون هذا الشيء و ان خصوصيتهم تكون مفضوحه قدام الخلق ماله داعي كل الناس يعرفون وش تغديتي ووش تعشيتي ماله داعي يشوفون الهدايا الي تجيك حتى لو ماعندك ماعند جدي ومحد يعطيك وتهايطين بعض الناس تكسرين بنفسهم و يبدا الحقد يشتغل
ماله داعي اذا سافرتي تصورين لأن الي تشوف سنابك تقعد تتمنى وتبدأ تكره زوجها صح ولا لا ؟ الي تقول لا يمكن انتي عادي بس غيرك ممكن يقلب يومها جحيم من سنابك
صوروا ماقلنا لاتصورون بس مو كل شي !!

ماله داعي تقعدين تمسكين يد زوجك وتصورين
اوكك اكثرهم يكون مشغول يسوق ولا يشوف التلفزيون ومادرى وش تسوين بيده بس الي راح يبان بالصور غير
لحد ينكر ان اكثر جمعات الحريم لما يجلسون
- شوفي زوج فلانه وش مسوي لها
-شوفي فلانه كيف كانت قبل الزواج وتزوجت فلان وعيشها بعز
-ليتني وافقت على فلان يوم خطبني .... الخخ


وش رايكم ايش اكثر حركه تنرفزكم ؟ الي عندها موقف تسدحه