احفظ الله يحفظك شوفوا قصتي 👉🏻❤️❤️

السلام عليكم ورحمة الله وبركاته
مساكم الله بالرضا والعافيه
كيف حالكم
انا حابه احكي لكم قصتي ويمكن طويله شوي 💓
بسم الله الرحمن الرحيمن ^-^
في يوم من الايام انا الحمد لله ملتزمه بديني وصلاتي ولله الحمد والشكر
كنت صايمه الخميس وصاحيه من صبح اخلص اشغال البيت وحول الساعه ١٢ وشوي جاتنا اختي من ابوي وبزرانها 😞 المهم خلصت على العصر صليت جلست اقراء اذكاري بعدها طويت السجاده وجلست اقراء سورة البقرة يوم قدني بنصها جاتني اختي قالت يقول ابوي انزلي نظفي قسم الضيافه به اضيوف بيجون انا والله تعبانه وعصبت مرررره 😞 ماصدقت اني اخلص ذا الي عندي المهم قفلت المصحف و نزلت واخذت معي ادوات التنظيف ونظفت خلست المجلس رحت حق دورات المياااااه واغسل المغااااااااااسل ونا والله زعلانه من اخواتي ليش مايساعدوني وكنت اردد سبحان الله الحمد لله الله اكبر لاحول ولا قوة الا بالله ولا ملجا من الله الا اليه وارددها وصابره المهم ونا اغسل شوفوا وش جاني 😰😰😰 حطيت الفرشه ذيك الي تفرك مدري وش اسمها عندكم ورحت اجيب الديتول من دورات المياه ونتوا بكرامه جيت اباخذ الفراكه حصت فيها زي الحشه لونها ابيض صغيره وخرتها واخذت الفراكه ابكمل باقي غسيل المغاسل شوي واحس بظهري كن شيء يمشيء ثقيل مرررره 😰 نفضت قميسي مابه شيء قلت يمكن يتهيالي عادي ورجع واكمل وانا باقي اذكر ربي في نفسي ويوم نضرت يساري اشووووف حشره كبيييييره لونها ع اسود والله طار عقلي دفيتها بقووووووووووووه كان بيدي منشفه امسح المرااااااايه طحت على الارض رحت قربت منها واشوفها تشبهه الي كانت في الفراكه يوم جيت ابشلها الحشره الصغيره ويوم اناظر في الكبيره قلت ذي عقرب لا مستحيل تكون عقرب كيف عقرب ورحت ادعي اختي وسالتها والله جلست تصايح عقررررررررررررب وتهرب 😟 يوم جاء ابوي وشافها على طووول اخذها للشارع وقتلها وجلس يخاصمني ليه جالسه عندها 😟 قلت هي جاتني مارحت لها ونا ماكنت مستوعبه ماكنت نصدقه والله انها عقرب اول مره فسبحان الله احفظ الله يحفظك والله انها قصه وصارت معي والحمد للله ربي حماني منها والله انها كانت على كتفي واخرت السالفه ابوي طلع الضيوف في المجلس الي فوق وراح تنظيفي عل الفاضي والحمد لله يارب وتذكرة وقتها حديث النبي صلى الله عليه وسلم (احفظ الله يحفظك احفظ الله تجده تجاهك إذا سالت فسال الله وإذا استعنت فستعن بالله واعلم أن الامه لو اجتمعت على ان ينفعوك بشيء لم ينفعوك الا بشيء قد كتبه الله عليك وان اجتمعوا على أن يضروك بشيء لم يضروك الا بشيء قد كتبه الله عليك رفعت الاقلام وجفت الصحف ) اللهم صل وسلم على نبينا محمد دعواتكم الله يخليكم كل من يقراء لي اي موضوع يدعي لي من قلبه ان الله يفرج همي ويحقق مرادي ويجمعني مع امي ياااااااارب قريب اشوفها واحظنها 😞😞😞😞😞😞😞🌹