احكموا انتو..و عطوني تفسير؟

السلام عليكم......اشحالكن خواتي
مشكلتي كالتالي:
من السنه اللي طافت وانا أحس بضيقه من ضغط الدراسه خلال هالفتره جاتني صديقه لي وصارحتني انها متعرفه على واحد ..الله يسترعليها..المهم وقفت جمبها ونصحتها ماشي فايده وقامت مشاكلها تزيد و صارت تاخذ من وقتي وايد حتى نزل مستواي الدراسي الكل تركها ربيعاتها و حتى خواتها استسلموا من نصحها لكن انا قلت بوقف معاها و هي مب راضيه تصلح حالها تعرفون ليش لان عندها الممنوع مرغوب المهم تركها الشاب بعد الله ما هداه وطلب منها تنساه توقعوا شو سوت قامت تصلي القيام و تدعي عليه بالشلل و انا اقول هالبنت من عرفتها مب طبيعيه بيوم تحب و بيوم تكره للهدرجه واستمرت على الغلط استسلمت انا لانها بددت تسببلي الكثير من المشاكل و علمت اختها الكبيره بأمورها و اني خلاص ما راح اساعدها اكثر من جي (لا يغير الله ما بقومن حتى يغيروا ما بأنفسهم) وما كلمتها من بعدها...

عالسنه هذي بديت أجد بدراستي عشان ارجع لمستواي لكن العجب اللي صار و الله عجب اطلع من الامتحان مستانسه و جد متفائله و أتفاجأ بعدها الدرجه زفته و انصدم كيف جي قلت ممكن تصير اعتقد اني حليت صح واكون غلطانه بس الامر تكرر و انا و لله الحمد ما اترك صلاتي و دايما أختم القرأن وما أزكي عن نفسي بس تلازمني ضيقه دايما بسبب و بدون سبب حتى في الاجازات....

الي خلاني اكتب الموضوع الي صار اليوم
قمت من النوم فزعانه حلمت اني كنت اصعد درج و فجأه تقربت مني قطوه سودا و حاولت تعض رجلي وانا ابعد ريلي عنها و احاول أزيحها عني و أكمل طريقي...
بعد ما قمت وصلني مسج من البنت الي رمست عنها تقول اني ظلمتها و تبليت عليها جدام اختها و هي من يومها تدعي علي....رديت عليها انتي من يومج تحبي تمثلي دور المظلومه و محد ظلمج غير نفسج واذا عندج دليل عليه ييبيه و ما ردت و قامت تقول الله يسامحج..و الله ندمت على معرفتي ليها و وقفتي معاها...
بنات تعتقدون اني اللي يصيبني من دعاويها بس انا و الله ما ظلمتها؟؟؟؟
يا ليت تدعولها بالستر والهدايه...