احكموا بيني وبين سي السيد وطالبة الجامعة الله لا يوفقها

خواتي انا ما كتبت لك مشكلتي الا لاني اعتبركم خوات لي

انا ابيكم تحكمون من الغلطان انا او زوجي

طبعا زوجي بدون مبالغة او يمكن في نظري ملاك يمشي على الارض

وحبوب وطيوب وكريم ومحترم وملتزم ((( حطوا تحتها مية خط ))))

جاني ذاك اليوم يقولي ان في حرمة اليوم كلمته وتبي منه يرسل لها رسالة الماجستير حقته

هي طبعا طالبة تحضر الماجستير وهو مخلص الماجستير من سنتين

ورسالته مطبوعة في اغلب المكتبات يعني ما يحتاج احد يطلبها منه شخصيا

اللي يبيها بيحصلها

طبعا هو صفحة بيضا وانا مثله وبيننا صراحة في كل شي

ونثق في بعض ثقة عمياء

طبعا انا يوم قالي ذا الكلام عصبت وتنرفزت وقلت له ليش تعطيها وجه هو قالها

ارسلي لي ايميلك وارسلها لك

رجعت للمكالمات لقيت مدة المكالمة دقيقتين وعصبت ليش الوقت ذا كله

المهم هو زعل وقال انا غلطان اني قلت لك كان سكت ما دريتي عن شي

لكن انا على نياتي

المهمقلت له ترى انا ما ابيحك تكلم احد وقفلت السالفة ونمت

بعدها راح داوم ولما رجع شيكت على جواله لقيت لها مكالمة ثانية مدتها دقيقة

هنا انا جن جنوني ما عرفت اشلون اتصرف مع هذي الآدمية

اتصلت عليها من نفس جوال زوجي وهزأتها وقلت لها خير انتي ووجهك كل شوي

داقه على ذا الجوال وش عندك انتي بالله وجهك وجه دراسة ولا وش اتدورين

قالت يختي تعوذي من الشيطان انا بس كنت برسل اخوي ياخذ الرسالة وبس

قلت والله لن اشوف رقمك بذا مرة ثانية لا تلومين الا نفسك قالت لا حول ولا قوة الا بالله

وقفلت الخط بوجهها

وجيت عند السيد وقلت هاه عسى وصلت الرسالة جاك اخوها

قام راح يشوف جواله الا يلاقي مكالمتي لها وهنا هو عصب وتشنج يقول ليش

اتصغريني قدام الناس انا بزر عندك والله مدري وش اسوي واسوي

واني لكلم على كيفي واعلئ ما براسك اركبيه

وكلمه مني وكلمه منه ولنا اليوم اسبوع ما نكلم بعض وهو ينام بغرفة ولدي

طبعا انا يا بنات لا تلوموني زوجي واخاف عليه من بنات الحرام انا واثقه

فيه هو بس هم لا وتعرفون الشيطان حريص وانا مستحييييل اترك له اي فرصة

وقلت له انت ملك لي لوحدي والله ما اخلي احد يستمتع فيك

قالي انتي مريضة ومدري وشو ووووو.......


وهاذي السالفة اش رايكم الحين من الغلطان ؟؟؟؟

طبعا هو من النوع اللي لا يمكن يكلم حريم مهما كان

بس المرة هذي مدري شاللي صار

يالله تكفون ردودكم ريحوني ودلوني كيف اتصرف