احكموو بيني انا وزوجي ؟

السلام عليكم ورحمة الله وبركاته
كيفكم يااخواااااااااتي .................. رب اخ لك لم تلده امك

انا داخله على الله ثم عليكم ابغى منكم الرأي والمشوووووورة
هذه حكايتي
انا متزوجة لي8 سنواااااااااات ولدي طفلين ولد وبنت
قبل سنتين كنت اشك في زوجي انه يكلم بنات في الماسنجر واخذت اراقبه في كل صغيرة وكبيرة اكتشفت انه يكلم بناااااااات كثير ولما واجهته يقول هذه اميلات غريبة ماادري هو بنت ولا ولد
وبعد ناقش طويل وعريض حذف جميع الاميلات اللي عنده
وانا صدقت كلامه انه حذفها وفي حملي التاني اكتشف انه على سيرته الاول مع الاميلات والله يابنات اكون نايمة في الصالة وحامل وتعرفو تعب الحمل والوحام كيف اشوف يدخل للصالة بشويش ويفتح جهاز الكمبيوتر ويرسل رسائل غراميه للبنااااااااات ولا قدر مشاعري ولا تعبي والله تعبه نفسية مررررررررررررة المهم بعد ولادتي رحت بيت الوالد وكان لما يجي عندي يسوي نفسه تعباااااااااان ومهموم من العمل كله عشان يرجع للبيت ورحت انا سويت اميل بنوتي حيل واضفته عنه وقبل الاضافة وهات هرجة وعلوم وحب وغزل ولا يدري انه اللي تكلمه انا زوجته
يعني قبلني بالحراااااااااااااااام حسبي الله عليه
ويجيني عند اهلي ويقول والله اني تعبان مرة ابغى انااااااام ولا يطول عندي واول مايروح البيت يفتح الماسنجر ويرسل رسائل يقول انا هنا ياحلو مشتاقلك حيل
اه اه اه ياقلبي لاتحزن
والله كان يعطيني معلومات عنه صحيحة وانا ابكي من القهر ليش يسوي كدة فيا وحتى انه اعطاني رقم العمل عشان اكلمه هناك
المهم حفظت جميع المحادثات اللي كانت بينا مرررة جاني وواجهته بالمحادثات وجلس ساكت مانطق ولا باي حرف انا قلت كل اللي عندي وطرته من بيت ابويا وقلت عمر الحلال مااجتمع مع الحرررررررام وقفلت جوااااااااااالي والله ذاك اليوم منت نوووووووووم مو طبيعي حسيت براحة نفسية عشان قلت كل اللي في قلبي
وبعد كم يوم فتح الجوال ولقيت اكثر من 10 رسائل في اليوم كلها اعتذارات وحب واسف
المهم قالي لازم اشوفك عشان نتفاهم في البداية ماعطيته وجه وصيدته وبعدين خلته المجلس وجلس يحلف انها غلط والشيطان شاطر ومن هالحكي
وقلت لازم اهلك يردو عمي <<< ابو زوجي واخوه في الموضوع وجلس يحلف انها توووبة واخر شي اتفقنا اني اخذ منه 10000 ريال ترضية ومقابل سكوتي وتم الاتفااااااق حلوو
بعد مارجت البيت وخلصت النفاس بدا الشك يدور في رأسي من كثر الاحلام اللي اشوفها (اشوف دايما ثعبااان كبير يكون بيني وبين زوجي سواء على السرير او في السيارة او في غرفة الجلسة يلف حولينا ومرة قرصني الثعباااااااااااان ) قمت من النوم خايفة وقلت له قالي هذه اوهااام واضغاث احلام
واستلم قرض من البنك ورفض يعطيني المبلغ المتفق عليه سابقا بحجت انه محتاج له وانه ماراح يقصر ماعيا بعد كدة في أي شي (اخذ المبلغ بدون وجه حق )غصب عني
ويدور الشك براسي اكثر من اول واكتشفت انه يكلم وحدة عالمسنجر ومسيها على اسمي _ ام فلان_ والله لما قريت الرسالة رجولي ماهي قادرة تشيلني وين كلامه ويان اسفة وين رسائل الاعتذاارات اللي كان يرسلها لي
واجهته وجلس يبكي زي البزر عند رجولي ويقولي والله تووووووووبه اخر مرررررررررة انا كنت اكلم صاحبي وهو عمل محادثة جماعية وبعدين هي اضافتني عنها
لي الان 10 اياااام متخاصمين هو يحاول فيا وانا طنااااااااااش بس ابكي وهو على طوووول يبكي وانا قلت لازم انفذ تهديد اعلم عمي واخوه الكبير عشان يتادب وهو رافض ندخل طرف ثالث في الموضوع اناقلت مالي كلام معاك انت ماانت رجال الواح يقدر يتكلم معاك
ياابنات ايش اسوي
اكلم عمي بس اخاف يضرب كف قدامي وتهتز الصورة اكثر واكثر ويحقد عليا ؟
ولا اسكت واعيش في البيت معه زي اخت بس واطنش؟
ولا اقول لاحد من اخواني بالموضوع عشان يعرف اني ماني لوحدي لي اخوااااااااااان الحمدلله والله انهم ماسكين مناصب في البلد مو سهله
بس والله مابغى احد من اهلي يعرفون في الموضوع عشانه هو وعشان الاولاد ؟
والله مررررررررررة محتارة اليوم بعد صلاة الظهر جاء يحاول يراضيني ويقولي انا اعترف بالغلط لازم ماتتركيني اغرق لازم تشيلني عندك عشان مايقدر احد ياخذني منك !!؟؟
والله انا كنت ماني مقصرة معه في شي والله والله اني جميلة جدا جدا بشهادته هو واهله واهلي واي احد يشوفني يقولي انتي اكيييييييييد زوجك وظيفته مو سهلة اكيد زي اخواااااانك والله والله مايدروا ان وظيفته بسيط جدا؟ انا راضية لاني احبه بس هو ماسوى لحبي قيمة عنده

الحريم لما يجيو بيخطبو لعيالهم من خواتي ويشوفوني يخطبوني انا على بالهم انا العروس مايدروا عندي طفلين ؟ وهذا احد الاسبا كره خواتي لي وانا البنت الكبيرة عند اهلي <<<<<<< جمالي سبب تعاستي :(
والله على مااقوله شهيد

انا داخله على الله ثم عليكم ابغى رايكم والدعاء بظهر الغيب ؟
واسفة اني طولت الموضوع بس والله والله والله كنت محتاجة اقوول كل اللي في قلبي
ساعدوني الله يحفظكم من الهم والخياااااااانة