احكمو بيننا انا وزوجي

السلام عليكم ورحمة الله
انايبنات متزوجه من 9 سنوات اكتشفت زوجي في السنه الثانيه من الزواج انه يكلم بنات ويدخل مواقع مشبوهه بس بالجوال فقط فانصدمت مره وواجهته واعتذر مني ووعدني ما يعيدها بس للاسف ما بطل ودائما اكشفه بس بعدما اكتشفته تغيرت فماعاد يهمني كثير بعد ما كنت احبه واقدره خلاص صارت بيننا عشره واطفال فقط فصبرت عشان اولادي لان عيشتهم عند ابوهم افضل من اني ارجع بيت اهلي لانه مليان وما في خصوصيه ولا بيرتاحو برضو اولادي لهذا شفت اني اجلس معه افضل وكمان زوجي من النوع العصبي يعني لمن يعصب يغلط عليا بس انا ما اسكت له خصوصا بعدما اكتشفت انه يكلم ويغازل والا من قبل كنت اذاعصب اسكت ولا ارد عليه والمشكله انه حتى لو غلطان ما يعتذر يزعل ولا يكلمني لمن ابادر انا واصالحه كنت اشيل همه بس الان لو زعل بالطقاق طبعا زعله على اشياء تافهه جدا ما تستاهل وكان برضو يفتعل مشاكل عشان يخلي له الجو يعني يعني بعد العشره اكتشفت ان الحرمه عنده بس للتنظيف والخدمه والطبخ والاولاد بس وقدام الناس اسمه متزوج بس اما انه يقدرها ويحترمها لا ابدا المهم حصلت ظروف لنا فاضطرينا نسكن في بيت اهله بس مؤقت وقعدت سنه كامله يواعدني من يوم للثاني انه يطلعني بيت لحالي كما كنت طبعا بيت اهله فيه اخوانه وانا متحجبه وكمان مافي خصوصيه ابدا فلما خلاص طفح الكيل معي خصوصا اني اتذكر انه ما كان وفي معي من قبل وكمان معاملته لي كانت مو كويسه بس للامانه ما كان مقصر في الاكل والضروريات بس الكماليات حسب ميزانيته والاغلب مافي المهم طالبته يطلعني ما قبل وقال الزوجه لازم تكون مع زوجها في الشده والرخاء وانتي مو زوجه صالحه ما تصبري عليا لمن حصلت لي ظروف فصممت على كلامي وانه يطلعني وطلعني بعد طلوع الروح طبعا وداني لأهلى لانه ماكان قادر ذيك الايام على فتح بيت موقتا لمن يقدر لمن الحمد لله تحسنت الظروف واستاجرت بيت قريب لاهلي طبعا اهلى في مدينه غير مدينةزوجى وعايشه الانن الحمد لله مستقره انا واولادي الان يبنات بالله عليكم شورو علي خصوصا الحكيمات يقعد دائما يدقني بالكلام وانتي ما تصبري وانتي تكفري العشير لاني بس طالبت بالخصوصيه وطبعا والله العظيم يا بنات لو كان زوجي وفي معي والله شاهد عليا ما اتركه في محنته ولاوقف معه لان اكيد من واجبات الزوجه تكون مع زوجها في الشده والرخا وطبعا اكتشفته وانا في بيت اهله يكلم وعايش جوه ولا حتى تحرك يشوف له عمل لا قاعد رجل على رجل منتظر لمن الله يفرجها من عنده المهم يبنات هو ما كان رح يطلعني بس خايف مني عشان ما افضحه انه يكلم لانه عند الناس ما شاء الله اخلاق وسمعه ويصلي بس ايش نسوي ابتلاء والله يصبرني ويؤجرني طبعا انا حاولت بكل الطرق اني اهتم فيه وبنفسي بس للاسف ماتغيير خلاص احسه ادمان الأن يبنات الناس من حولنا قاعدين يحكمو علينا من الظاهر واني انا ماني واقفه مع زوجي الخ من الكلام اللي ما يخلص ومو عارفين طبعا بكل شئ وهو طبعا مستغل الفرصه وعامل نفسه الانسان المضحي المسكين المغلوب على امره ويشتكي ولا يسكت
السؤال الان هل اناغلطانه باللي سويته علما باني الان عايشه مع اولادي باستقرار ولله الحمد بعيد عن المشاكل اللي كان يسويها وبعيد عن خيانته لي ووجع القلب اللي كان مسببه لي ما اعرف ليه ما يعيش حياته الان زيما كنا سوى هو عند اهله ويكلم ومرتاح بس اناني يبغى اسره وبس مظهر امام الناس والا هو كان واصل مسكر على نفسه ويكلم وعايش جوه وما ينام معي في غرفة النوم لانه طول الليل سهران مع جواله والبنات
عفو طولت عليكم وكلامي ملخبط بس حبيت افضفضواشوف ردود الحكيمات من بنات حواء