احكي لنا قصة إغماءاتك!

السلام عليكم


في حياتي أغمى علي 5 مرات


المرة الأولى ( العمر 9 سنوات)
كنت أتسابق مع ولد خالي في الحوش ومتحممممسة وبأسرع ما يمكن،
وقريب من خط النهاية مدت بنت خالي ريلها وحنقلتني الله يسامحها واصطدم راسي بالجدار بقوووة ما وعيت إلا وأنا على سرير جدتي الله يرحمها أتأوووه ويحطون لي ثلج..
ودوني المستشفى سوو لي أشعة ونوموني ليلة، وكان يوم العيد فحصلت هدايا وايد :icon31:
طبعا ما احد درى عن حركة بنت خالي لأني ما قلت لأحد لليوم:eek:


المرة الثانية (العمر 11 سنة)
كنت مرييضة فيني سخونة وتعباانة وياتني الضيفة الجميلة للمرة الأولى
أمي وقفتني في الحمام تعلمني وطحت من الإرهااق.:11retcher


المرة الثالثة (العمر 24)
راجعين من شهر العسل وأهلي مستعجلين يبون يسوون حفل استقبالي وأنا مب مجهزة شي نهائيييا، من الضغط النفسي مرضت وزوجي وداني المستشفى، وهناك طحت عليه واحنا ننتظر السيلان.
وتأجل حفل الاستقبال :22:


المرة الرابعة (العمر 25)
حامل في شهري الثاني قمت الصبح دخلت باخذ شاور، زوجي نايم والحمام بعييد عن غرفة النوم،، فجأة تنزل مادة لونها أحمممر أنا مت من الخووف قلت باكمل الشاور بسرعة وأطلع،، بدا راسي يفتر:09: أبي أفتح الباب وأطلع حسيته ثقيييل مثل الصخر وووفقدت الوعي،، ماعرف كم استمر أعتقد ثواني بس وقمت، سحبت نفسي للصالة جلست أرتاح تالي رحت لزوجي وقلت له الي صار.
لبست باروح المستشفى كنت خايفة يكون الحمل طاح :unsure: بس أم زوجي ما رضت أتحرك قالت ارتاحي احين الحركة مب زينة، وفي الليل روحي.. عاد كانت ساعات طوييلة وكلها بكااء لأن كان عندي شوي صعوبة في حصول الحمل.
رحت المستشفى سوت لي الدكتورة سونار وسمعت نبض الجنين لأول مرة والحمد لله ارتحححت.




المرة الخامسة (العمر 28 - أمس!)
أمر بضغوطات كثيرة .. أمي منومة في المستشفى إلى أن يشاء الله،، أختي بدت تطلق ولازم أكون معاها،، خذت إذن من الدوام نص ساعة انصراف مبكر لمدة 3 أسابيع عشان أقدر أقوم بواجبي تجاههم،، رحت المستشفى ما خلوني أتم مع اختي في غرفة الولادة. وقفت في الممر على أعصابي أنتظر وأسمع صراخها مسكينة.
فجأة أسمع النرسات من داخل يسوون واااو ويهللون وسو بيوتفل!! فهمت من ذي إنها ولدت!
ما توقعععت بهالسرعة تولد وياتني طفرة حماسية وناسية مفاجأة وبدا راسي يدور.. قلت حق زوج اختي مبروك ما ياكم ورحت أدور كرسي، وكلت حبة كاكو،، دخلت على اختي أشوف شسالفة والا للحين عندها دبة :icon31:
طلعت مرة ثانية واستندت على الباب وراسي يدور يدور:eek:
قلت حق نرس واقفة I'm feeling dizzy
وعقب هالجملة دخلت في حلم عميق:humm:
فتحت وأنا على الأرض وحوالي النرسات،،
نوموني في الغرفة الي جنب غرفة اختي
بعدين جابو لي ويل جير ووصلوني لي باب المستشفى
طردة محترمة :humm:
وبس ما خلوني أرجع عند غرفة الولادة
على بالهم إني من الخوف طحت:angry2:بس والله لا :ohwe: أنا الحمد لله أتحمل هالمواقف بس من زود الضغغغط.
قعدت في غرفة الانتظار لحد ما ولدت اختي بالسلامة ورحت لها.. والحمد لله جابت بنت كتكوتة.




قصوا علينا مواقفكم مع الإغماءات :icon31: