احلالالالالالا جريررررريش تذوقيه في حياتك بدون صور لاتزعلون ......!!

السلام عليكم
كيفكن ياحلا خوات المهم والاهم نخش عالطبخه هي الجريش واحلا جريش تذوقيه بس ماعندي صور لاني مااعرف انزل صور بس بصراحه روعه
المقادير ياعسسسل ياللي تقرين الموضوع
كوب جريش
نص كوب رز مصري
3 ملاعق اكل مليانه زين سمن ابوشوكه
ماجي مكعبين
جونيموتو
ملعقه صغيره كمون مطحون انتبهي يكثر الكمون
لبن 3 اكواب اللي هو لبن المراعي
تقريبا 3او4 بصلات كبار مفرومه ناعم ومحموسه بزيت لحد ماتشقر ونخليها على جنب
الطريقه
نغسل الجريش وارز وننقعه من الصبح للظهر للغداء يعني
نحطه بقدر بعد مانصفيه ونحط اللبن والماجي والجنيموتو والسمن والكمون ونولع النار اذا بدأ يغلي نوطي النار ونستمر بالتحريك كل فتره وفتره لونشف زيدي ماء شوي عليه وحركي خليه لمده ساعه ونص تقريبا ونضبط الملح نشيل نص البصل المحموس سابقا ونحطه عالجريش ونخليه شوي ربع ساعه حوالي ونطفي ونغرفه ونحط عالبصل اللي باقي ليمون اسود اومسمنه ونزين الوجه وبالعافيه عالجميع وربي بدون مدح احلا جريش جربيه واحكمي
بالختام الله يجزى صاحبته اللي اخذت الوصفه منها الف خير ويبلغها بولدها تشوفه امام بالحرم امين ويبلغكم بعيالك ويرزقكم برهم
ويغفر لوالديني ولجميع موتى السملين والف شكر لكل من دخلت موضوعي وردت وكل من دخلت وقرأت الله يسعدكن بالدنيا والاخره امين