قيام الليل بسورة البقرة واكتشاف ما بك !
السلام عليكم ورحمة الله وبركاته
حبيت انقل لكم تجربتي الخاصة مع سورة البقرة ، انا زيي زي غيري اعاني من بعض الامراض والاعراض واللي بعضها الدكاترة ما لقيوا لها سبب والمشايخ اللي يقولي عين واللي يقول مس واللي حسد وسحر المهم انا قلت مالي الا رب كريم لا يغلق بابة ومالي الامناجاته في اخر الليل حيث ان سهام الليل لا تخطئ وربنا ينزل كل ليلة للسماء الدنيا ويقول اين عبادي ، اين المذنبين اين المستغفرين بالاسحار اين الذاكرين الله كثيرا والذاكرت اين اهل الله وخاصته ، اين المرضى والمشتكين واصحاب العاهات واين واين واين ,,,, يا الله ما اعظمك وما احلمك ..الله اكبر الله اكبر ...
المهم يا بنات اخذت لي فترة كنت اقرا سورة البقرة وسبحان الله اذا قريتها مع اني انسه والحمدلله وما اعاني من الافرازات النسائية زي بعض البنات والمتزوجات _ كنت لمن اقراها ينزل مني مخاط او سائل شفاف جدا ويستمر 3 او 4 ايام بعدين ينقطع عني فأضطر اكيد استخدم مناديل كل شوي وبعدين تكاسلت مع ان هذا دليل على اني في بداية طريقي الصحيح للشفاء او خلينا نقول بداية اكتشاف المرض واشغلتني الدنيا ووظيفتي في ذيك الفترة وبطلت وبعدها رجعت اقوم الليل بسورة البقرة وفي الايام الاولى شفت رؤيا ( شفت كأني دخلت الحمام اعزكم الله ودخلت معي قطة لونها رمادي واسود وقفلت انا الباب مع اني شفتها بس ما خفت منها حسيتها مألوفة لي ) طبعا من هنا انا شعرت اني ممسوسة واستمريت على صلاة الليل فكنت اقسم سورة البقرة على اجزاء يعني ممكن على ثلث ليالي واصلي الوتر بها كمان المهم حسيت اني ارتحت وعصبيتي خفت وقلقي وبعض الهموم والشكاوي وصرت اتقبل بعض اوضاعي والحمدلله وختمت القرأن مرتين متولية بين ختمة والثانية تقريبا اسبوعين او اقل واللحين بديت في الختمة الثالثة واسئل ان يثبتني ويكتب لي الاجر ويجعله حجة لي لا علي وشافعا لي يوم القيامة ,,,, نعود لصلاة الليل طبعا لي الحين 8 ايام وانا اصلي بسورة البقرة في الثلث الاخير من الليل والحمدلله شعرت اكثر بقرب الله مني وقربي من الله ، انا اقراها لكل شي للتيسير والامور المتعثرة والصحه والعافية وكل ما يهمني من امر الدنيا والاخرة بمعني ادق للتوفيق من الله في كل اموري المهم في اليوم الرابع لصلاة الليل بالبقرة جاتني رؤيا وفسرها شيخ في قناة تأويل الفضائية على انها بشارة من الله بتيسير اموري وبشارة ببلوغ غاية اسعى اليها وانني سأنال ما اتمنى ان شاء الله قريبا جدا كما تدل على اخبار طيبة تفرحني سوف اسمعها قريبا كما اوصاني لالاستغفار اكثر واكثر...والله ما تصدقون قد ايش فرحني ها الرد يا الله ...واعطاني القوة والقدرة على المواصلة وحسيت انالله يباركني ويبارك ما اعمله والحمدلله واستمريت على الدعاء والصلاة والقيام والبارح كانت الليلة الثامنة للقيام بسورة البقرة كاملة وبداية سورة ال عمران ..وبرضة جاتني رؤيا في الصباح كانت بهذا الشكل ( شفت نفسي بنفس الغرفة اللي اصلي فيها كل ليلة والغرفة تطل على الشارع وكانت الغرفة مظلمة مع ان الدنيا كانت نهار وسمعت صوت قنبلة راح تنفجر في الشارع وكان في يدي قرأن او كتاب ادعية ولمن نظرت من الشباك شفت مجموعة رجال ينظرون في الارض وكأنهم يرون اثار القنبلة وفجئة لقيت بعض شظايا القنبلة عندي في الغرفة وكأنها بتنفجر وبحثت عن مكانها بس ماني شايفتها من الظلام وبعدين حسيت اذاني صار فيها صمم من قوة القنبلة وحاولت الخروج عشان اخبر اخواتي اللي هم نايمين في هذا الوقت وافتكرت الجوال والمفتاح اللي كانو جنبي في شنطة صغيرة وسبحان الله شفتهم ووصلت الين الباب بس بثقل وصعوبة وصحيت مفزوعة من نومي ....واليوم بعد صلاة العشاء سويت حجامة واول ما بدت تحجمني سئلتني : هل تشتكين من شي في يدينك ؟ قلت لها لا ..المهم قالت لي كتوفك الاثنين زرقاء قلت لها سبحان الله فقلت لها موضوعي مع سورة البقرة وقيام الليل فقالت يمكن العارض بدا يطلع وسئلتني اذا شفت حلم فقلت لها الحلم السابق فقالت لي هذا جاثوم وليس بحلم او رؤياء المهم لأول المرة اشعر بحرارة في جسدي بعد الحجامة واشعر بقوة التشريط مع انها نفس الحجامة اللي لي كم سنة اتحجم عندها والحمدلله وقالت لي طالعة منك اخلاط كثيرة فلعلها بداية الشفاء ...علما انني يا بنات في الايام اللي مرت شفت اعراض كثيرة تدل على العارض او العين او الحسد او السحر ( الله اعلم ) لعل منها التكريع ( التجشؤ) اكرمكم الله اثناء القيام بسورة البقرة مرات عديدة وكذلك الشعور بقشعريرة في جسدي والم في منطقة المبايض واصوت غرغرة في البطن وغازات واحساسي بالخوف واشعر كأن احدا ما قاعد في ركن الغرفة وكذلك الحكة في اجزاء متفرقة من جسمي اضافة الى الشعور بشي يتحرك في حلقي وكذلك ضغط في منطقة الاذن والمرئ والبلعوم وكأنني اختنق واشعر ببلغم اعزكم الله ولكنني امس وانا اقرا اختفى صوتي قليلا بسبب مخاط او بلغم يصعد الى منطقة الحلق فيختفي صوتي قليلا اثناء القراءة مع اني ما اعاني من زكام او بلغم وشعرت ببحة بسيطة في صوتي واختفت بعد الانتهاء من الصلاة بعد صلاة الفجر طبعا لأني اواصل الين صلاة الفجر ومع الدعاء والاستغفار حتى الفجر ...
انا يا بنات ذكرت لكم هذا الشي عشان تبادرون للقيام بسورة البقرة في الثلث الاخير من الليل لعل الله يوفقكم ويسهل اموركم ويكتب لكم الطيبات والحسنات ويشفيكم من كل مكروه ومن كل عين وحسد ..
انا طبعا بعد ما صارت معي الأعراض السابقة فريت في المواقع واكتشفت ان التكريع من اعراض العين القوية والاحلام بالقطط وبعض الحيوانات من المس يعني نوعا حللت مرضي وراح استمر على القيام بسورة البقرة وانا هنا ادكوكم يا بنات بأخلاص لله والتوجه له والتضرع والقيام لعل الله يحدث بعد ذلك امرا كان مفعولا ...
وانا تحت امركم في أي سؤال والله في عون العبد ما دام العبد في عون اخيه ...
moganoga @moganoga
عضوة جديدة
يلزم عليك تسجيل الدخول أولًا لكتابة تعليق.
UAE_forever
•
ربي يشافيك ويعافيك يااااااارب
الله يشفيييك ويعافيك ويدفع البلا عنك ويبطل كل عين او حسد او سحر او مس يعطل امور حياتنا ي رب
i_hooda :
الله يشفيك وعليك بالصبر والمثابره سوره البقره فيه بركه سبحانك ياللهالله يشفيك وعليك بالصبر والمثابره سوره البقره فيه بركه سبحانك يالله
الله يشفيك ويعافيك ويتم عافيه عليك
والله يشفين والله انا زيك رايت حلم انو راح تستجاب دعوتي مع التحصين والرقياء بس لحد الحين. ماعرف ايش فيني
والله يشفين والله انا زيك رايت حلم انو راح تستجاب دعوتي مع التحصين والرقياء بس لحد الحين. ماعرف ايش فيني
الصفحة الأخيرة