الله يعينك يااختي فعلا شي صعب بس من رايي حاليا تقفلين الموضوع باقل خساره ممكنه يعني تبيعين المحل بالي فيه عشان تطلعين لك مبلغ علي الأقل تسدين منه الدين هذا أولا وثانيا حاولي تشوفين لك وظيفه حتي لو مؤقته عشان تسددين دينك وبس توقفين علي رجلينك لو رجعتي فتحتي لك المشروع في منطقتك اما نقل المشروع زي ماقلتي مكلف وبتكون الخساره دبل في حال لو مانجح بالمنطقه الي بتنقلينه لها فحاولي تتصرفين باقل الخساير والله يوفقك

طيب ي قلبي اقدر ان شاء الله اساعدك اعرف واحده مشهور تبع الرسم في دهن العود في سناب بكلام اذا اوك قلت لك وتعلان عنك والله يفرجها اذا لا فما تظا راح يكون لي رد

ليش ماتعلنين عند اهل الاعلانات وعندك الانستقرام
ترا كذا التجاره واول ماتبدا فيه الخساره لاتيأسين ولا تدينين من احد عشان مايتراكم عليك شي وادعي ربك قولي يارب افتح لي من رزقك الكريم وررفقني بمشروعي وبارك لي فيما اعطيتني
وحاولي تهونينها ع زوجك عشان مايكون بينكم ثغره .. اللَّـَـَـَـْـْہ يوفقك ويسهل امرك

لا تغيرين منطقتك.. واعتقد بالقرض محددين لك الموقع وقابلينك على اساسه.. فلو غيرتي لازم ترجعين لهم وحوسه..


الحل ياقلبي تغيرين موقع المحل بنفس المنطقة.. محل ورد تبين مبيعاته تنتعش روحي افتحيه جنب مستشفى.. وصدقيني ماراح توقف الحركة..


قبل اسبوع رحت زياره والد وكنت معتمده اشتري من محلات الورد باقه لها.. مالقيت الا محل واحد جنب المستشفى وخااااايس وغاااالي.. مستغل انو مافي غيره 😒 وطبعا اضطريت اشتري منه بوكي ذبلان واقل من عادي ب٢٠٠ ريال.. الشكوى لله..


المهم.. اقشعي محلك جنب المستشفيات.. خصوصا حقات الولاده والاطفال هذي الدوس عليها مايوقف..


وزوجك وابوه انسيهم وقولي بهدوء: التجارة يبي لها صبر.. لا يحبطونك يا بطله..

مالك الا تشوفين لك شريك يدعمك براس مال تنقلون المشروع لمدينتك ،،، حاولي تقبلي محلك بميلغ يسد الدين عن زوجك اعرضيه على أحد المحلات الكبيرة العاملة بنفس التشاط يفتحون لهم فرع بهالمتطقة ، وطبعا الزباين اذا صار شي معروف يشترون ولا يفاصلون
ليتك قبل الاقدام لعمل المشروع اشتغلتي موظفة في احد المحلات الكبيرة المتخصصة بهذا النشاط ،، تعلمتي ميدانيا وليس نظريا ،، وشفتي الدخل والصادر والوارد وبعدها تقررين اقامة نفس المشروع مصغر او تجنبه
استغيتي بالله وادعي الله يدبرك بأحسن التدابير