احلامي وطموحاتي كلها اتحطمت

السلا عليكم

:44:

مني عارفه من فين ابدا الموضوع ولاايش اقول

انا من طول عمري بنت شاطره ومتفوقه في دراستها ولله الحمد
السنه اللى فاتت اتخرجت من الثانوي بنسبه 97
وبعد اختبار القدرات سارت 92

والحمدلله مره كنت مبسوطه ودخلت القسم اللى ابغاه ( انجليزي ) واللى طول عمري نفسي فيه واتمناه
وحتى لما بدأت الدراسه كنت مجتهده واشارك وواجباتي كلها اسلمها في موعدها
وكل نشاط يطلبوه انا اول وحده اجيبو :27:

وحصل الشي اللى عمري في حياتي مااتوقتو
رسبت الترم الاول في ماده
كيف وليش مادري :44:

كل اللى اعرفو انو الدكتوره ماجابت ولاشي من الكتاب وكل الاسئله كانت من برا الكتاب
كان باقيلي 5 درجات عشان انجح

في البدايه انفجعت واستغربت بعدين قلت الحمدلله دا نصيبي
و دي اول مره في حياتي ارسب
فـ خليني اجرب الرسوب كيف شكلو :35:

دا الترم شديت حيلي اكتر من الترم الاول
والله كنت حتى النوم ماانام
وفي الاختبارات ذاكرت اللى داخل معانا واللى مو داخل معانا

ومعدلي كان كويس الحمدلله لحد امس
بس اليوم قلت خليني ادخل الموقع اشيك
الا برضو الاقي نفسي راسبه في ماده

يعني سارو مادتين :44:
وانا اللى ماعمري في حياتي رسبت

حسيت من جد كل احلامي وكل طموحاتي وكل كل كل شي انهدم
حتى مني قادره ابكي :44:


الله يخليكم ادعولي ان الله يهونها عليا
ويبردلي قلبي

..