بطاطا تكون شوي كبيرة حسب انتي كم وحدة بدك
بندورة ٢ او علبة بندورة جاهزة
فويل يعني سانيتا
للصوص المقادير تحت
الطريقة
اولا نغسل البطاطا وننشفها
ونغزها باكثر من مطرح بالسكين
ونلفا بالفويل وندخلا الفرن لحتا تستوي اختبري النضج بالشوكة
لبين ما تستوي البطاطا عملي الصلصة
نص كيلو لحمة مفرومة
بصلة سنين توم
٢ بندورة مفرومة ناعم او فيكي تستعملي علبة جاهزة وملعقة صلصة البندورة
كباية ماي
ملح وبهار
قلي اللحمة لحتا تستوي اضيفي البصلة واخلطيهم وتركيا لتدبل شوي اضيفي التوم وقليهم دقيقتين مع بعض اضيفي البندورة والصلصة والملح والبهار وكوب ماي خلطيهم وخليون يغلو ويعقدو وبعدا رفعيهم عن النار
بعد ما تطلعي البطاطا من الفرن قصيها علا شكل زائد + وبالشوكة جربي نزلي البطاطا عن القشرة
وهلق بتحطي الصوص والجبنة فوقو ودخليه الفرن ٣ دقايق لتدوب الجبنة طلعيها وحطي عليا ساور كريم وقديمها وصحة وهنا وعلا كفالتي اذا ما عجبتكون 😂
