منجيب الكيك اللي عندك ومنفتتو ومنرصو بصينية بس المهم تكون بتفتح وادا ما بتفتح عملي متلي حطي بلاستيك بقلب الصينة وتكون كبيرة شوي حتا بعدين تقدري تتحكمي فيا ورصي الكيك علا البلاستيك.
هلق بتجيبي علبه الكاسترد وبتعملي كاسترد حسب منو مكتوب عالعلبة وبس يسمك ويصير جاهز صبيه فوق الكيك تركيه ليبرد شوي ثم دخليه البراد لحتا يجمد.
هلق اجا دور الجلي علبة جيلي بتدوبيها متل منو مكتوب عالعلببة وبتتركيا لتبرد شوي وبعدين صبيا فوق الكاسترد وعالبراد حوالي ٢ الي ٣ ساعات لحتا يجمد الجلي
طلعيها وزينيها وكليها وصحة وعافية
علا فكرة ما لحقت صور القالب الاولاد اكلو منو ما شاء الله منيح اللي طلعتلي هالقطعة لصورا 😂😂
الله يعطيك العافية...