الطريقة
كل كيلو لحمة هبرة يعني اللحمة تكون هبرة تماما بدو كيلو برغل ناعم .
اول شي نغسل البرغل ونتركه شي ساعتين لحتا ينفش ومنرجع بعد ساعتين نفركه منيح بايدنا ونحط الهبرة فوقون ومنكون عاملين التبلة من قبل اللي هي ورق حبق وبصلتين فليفلة حمرا و حر وبهار اسود وبهار الكبة نفرمهم مع بعض بالفرامة ثم نضيفهم عالبرغل وبعركن منيح مع بعض بايدينا لحتا يصيرو عجينة متماسكة منيح..
والحشوة بصل ولحمة مفرومه ودبس رمان وبقدونس وصنوبر او لوز حسب الرغبة طبعا المقادير علا قد ما انتي عاملة.
بعد ما خلصنا ناخد الكبة ونكورها ثم نفردها علا شكل دائرة انا بفردها علا صحن بحط عالصحن بلاستيك وبحط عليها الكبة برجع بغطيها بالبلاستيك وبجيب صحن مدور تاني بضغط عليها وبتصير بتعطيني دائرة غير شكل ههههه نحشيها لحمة ومنكون عملنا دائرة تانية منحطا فوقها ومنسكرا عن الجوانب منيح باصابعنا.
نشويها على الفحم وبس تطلع دهنيها بالسمنة وقدميها ساخنة مع شوربة العدس ويا ولي ما اطيبها.
