المقادير والطريقة
صدور دجاج مغسول ومنضف الكمية حسب رغبتك
ملح
فلفل
كاري
زنجبيل بودرة
قرفة
كزبرة يابسة
بهارات الدجاج
لتغميس الدجاج :
كاسة حليب
2 بيض
فلفل
كاري
طحين
3 كوب زيت للقلي
طريقة التحضير
منغسل الدجاج ومنقطعو قطع بالطول او حسب الرغبة
منضيف البهارات والملح ومنتركن بالبراد مدة ساعتين او اكتر
لتغميس الدجاج منحط بصحن غميق الحليب والبيض والفلفل والكاري ومنخلط سوا
بصحن تاني منحط الطحين
منشعل الزيت ليصير حامي
منطلع الدجاج ومنغمسو اول شي بالطحين بعدين بالبيض بعدين مرة تانية بالطحين ومنتركن على جنب هيك لتخلص الكمية
بس بدنا نبلش نقلي الدجاج منغمسو بالطحين ودغري على الزيت ومنستنى شي 12 دقيقة ليستوي الدجاج وطبعا مامنحرك الدجاج الا بعد 5 دقائق من قليهن مشان مايفرط الطحين بالزيت
لكن أن شاء الله اسوي طريقتك واستغني عن المطعم
مره طريقتك حلووه ومفهومه تسلمي ام علي