شمس أيطاليا
يقصد الأستاذ يحفظها بصري
يعني يناظر الكلمه ويحفظ شكلها ثم يكتبها
هذا كلامي من تجربه السنه الي فات أسواء سنة مرت علي تعببببت مع بنتي كثييييير
بنتي مادخلت تمهيدي ويطلبون منهم يكتبون كلمات مثل كذا
وراح تجيهم أوراق عمل فيها كلمات بصريه مثل مشعل أسماء عمر أحلام يوصلها لكلمات ثانيه مثل أبي أمي أختي أنا 
كان أغلب فصل بنتي دارسين تمهيدي كانوا مايتعبون نفسهم بالقراءه البصريه لانهم يعرفون الحروف وعلى طول يتهجئون الكلمه ويوصلون
أما بنتي ماتعرف الحروف يادوب أول درس وهو حرف الميم علشان كذا تجي ماحلت ورقة العمل والمعلمه ماتقدر ان فيه فروقات بالفصل وفيه بنات مادخلوا تمهيدي
نقلتها وغير معلمتها والحمدالله كانت معلمه الفصل الثاني الله يجزاها خير صبوره وأوراق عملها سهله
والحمدالله نجحت بنتي
والحين بثاني
الله يوفق عيالكم
معليش دخلت تجمعكم بس كنت حابه افيدكم بتجربتي
ضروري ادخلون أولادكم تمهيدي قبل المدرسه
لأن المناهج صعبه وتطلب قراءه بصريه 
وصعبه على الأطفال بيحفظون أشكال جميع كلمات الدرس
علشان كذا يكون دارس الحروف أفضل علشان يتهجئها

جزاك الله خير ياليان المشكله احنا كنا في بعثه مامداني ادخله تمهيدي

الله يسهلها ان شاء الله

السلام عليكم انا بنتي توهم يعطونهم اول حرف الي هو الميم ودرس في التوحيد ودرس ف الفقه ورياضيات والعلوم حتى مو مكتوب ف الجدول مدري وش السالفه ومع اني مدخله بنتي روضه حكومي بس ما علموهم الحروف ولين الحين ماتعرفها مدري وش الحل اليوم عليهم املاء كلمه عمر بعد معاناه حفضتها انتوا عيالكم لين وين وصلوا احس بنتي مره متاخره مدرستهم

انا بنتي اولى خلصت حرف اليم والباء وتكتب ف الدفتر الحروف والجمل اللي اخر الدرس
والرياضيات خلصو درس 1 2 3
والعلوم اخذو الدرس اللي فيه الزهره وتعريفات
وماشاءالله عليها تكتب وتحااول تتهجأ وربي يوفقها ويوفقق عيالكم

بنات ضروري الله يسعدكم ابي حل الرياضيات صفحة 24 و25 اختبار تراكمي رياضيات بكره الاختبار الي ولدها أخذ الاختبار تكتبو الله يسعدهااااااا