احلفكم بااللة داخلين تنقذ ون حيا تي

اعيادالجنوب
اولا حياك الله.
ثانيا:اتمنى من كل وحده تشارك انها تفيدك باذن الله.
ثالثا :ياليت تشرحين شوي السالفه يعني هذا قريب زوجك كنت تكشفين عليه؟؟عشان كذه ماقدرتي تلبسين زين ؟؟
اذا الامر كذه فانصحك بالتوبه الى الله والحجاب وانك تطلبين من زوجك ان قريبه يدور له صرفه .عشان تاخذين راحتك بكل شيء. واشدد على كلامي بان اي واحد يعصي الله لايتوقع ان الله بيوفقه .
_____
بالنسبه لزوجك ونظرته لك الي ماتتغير:
انت تقولين تزوجتي من7 سنوات اذا كذه تقصدين .وانا ما ادري كم عمرك .حاولي تلبسين ملابس تليق بعمرك حتى لو كانت ملابس دلع .
جسمك بعد اهتمي فيه خليه من النوع الرشيق مع جاذبيه يعني اذا صدرك ممحو او صغير حاولي تزيدين وزنك شوي او تلبسين ستيان محشي >>>>>محشي ورق عنب ههههههههههههههههه.
عطرك غيريه خذي عطر جذاب مثل كوكو شانيل ريحته جنان.او اي من العطور الفاخره لازم تعملين تغيير جذري في مظهرك بعد كل هالسنين من الزواج.
حاولي تجربين حركه من الليالي الرومانسيه الي يسوونها البنات هنا.
______
شوفيانا من النوع الي شخصيته رومانسيه مع كذه واقعيه "يعني نوع من التضارب عندي و يوم تزوجت كنت اتمنى ان زوجي يحب شخصيتي وثقافتي قبل لايحب شكلي .وعرفت بعدين ليش انا افكر كذه في علم النفس يقولون ان الجميله طبعا اذا هي مثقفه تتمنى ان الرجال يحب شخصيتها اولا .اما المره العاديه تتمنى ان الرجل يحب شكلها قبل شخصيتها.
فاي من النوعين انتي؟؟ واي من النوعين هو الي يلفت نظر زوجك؟؟
حاولي الاستفاده من هالسالفه.
__________

الله يوفقك ويصلح شانك.

غاليتي..
المشكله مو في اللبس والدلع علشان تكسبي زوجك.. الأهم هو حسن التبعل .. يمكن طبيعته تختلف عن اللي قرأتيه او سمعتيه من غيرك... يعني ممكن بالكلمه الطيبه والجو المرح أوالنظام اللي يلاقيه في بيته يكون على هوى ماهو يحب ويريحه ...وبعد ما يجي من شغله.. يلاقيكي مرحبه وأسلوبك طيب وعيالك بألف خير.. هذا اهم من الدلع واللبس وخلي حركات الدلع لوقتها لأن هذا مطلوب.. اتمنى تفهمي قصدي.. واحتسبي هذا كله لله ..
حاولي ان تخففي على نفسك فكري في الإيجابيات اللي فيه مثلاً يخاف الله فيكي قائم بصلاته وبواجباته نحو بيته ...وطنشي السلبيات تماماً ... حيختلف المنظور وحتلافي نفسك مرتاحه كثيير..

واستعيني بالدعاء ..
ما أدري هذي وجهة نظري واتمنى اكون افدتك..




اللهم يا فارج الهم يا كاشف الغم ياربنا ورب كل شيء ومليكه سبحانك تباركت وتعاليت ...
اللهم إني أسألك بأنك أنت الله الواحد الأحد الفرد الصمد الذي لم يلد ولم يولد ولم يكن له كفوا أحد ....
أسألك أن ترحمها برحمة من عندك تغنها بها عن رحمة من سواك ..و أن تصلح من شأنها و تفرج كربتها وأن تزيح غمتها وأن تبدلها به فرحا وسرورا ...وتشفي زوجها وأن تيسر لها جميع أمورها وتنال مرادها... وتوفقها لما تحبه وترضاه..
اللهم آمين..

وطمنينا عنك..:26:

هلابك معنا اختي اعياد الجنوب
انتي وش عليك الحين باللي يقرب لزوجك
البسي اللي تبين بس مبين من كلامك انك تكشفين عليه
وياختي الغاليه اكيدتعرفين ان الكشف لغير المحارم مايجوز
حتى لوزوجك هواللي يطلب منك هالشيء ارفضي
وانااعرف ناس يجلسون مع حموانهم بجلال اوحتى بنقاب بس تقعد تقهويهم وتسولف معهم وهذاحرااام لانه يسبب الفتنه سواء من النساء اوالرجال
يعني اول شيء لازم تتغطين واتمنى اني ماكون غلطت بالفهم
ثانياياقلبي حتى لوكان معكم بيكون وقت النوم بغرفته وانتي خذي راحتك باللبس
ومسالة ان زوجك مومهتم فترى هذاكثير يحصل يعني اغلب الرجال يسكت ولايبين رايه فيك
لكن حتى لوانتي تلبسين له وتقولين هاه اشرايك فيني اليوم عساه يتلحلح شوي
واسال الله الكريم رب العرش العظيم ان يشفي زوجك وجميع مرضى المسلمين

مرحبا بك أختي أعياد الجنوب.. أسأل الله أن يصلح حالك وحال زوجك ويفرج كربك

الأخوات ما قصرن جزاهن الله خيرا

في التقارب الزوجي الزينة مهمة .. بل ومهمة جدا وهي من فطرة المرأة "أو من ينشؤ في الحلية"
وهي كما تشبع حاجة عند الزوج.. تشبع حاجة فطرية لدى المرأة أيضا..

فالمرأة تستمتع عندما تتزين ..

ولكن الزينة أختي ليست ملابس مكشوفة طوال النهار والليل..
في أرض الواقع .. الزوج يعمل والزوجة تنشغل وهناك صعوبات مثل الضيوف والزوار وووو
قد يكون اللباس المكشوف والزينة الكاملة التي في مخيلتك لا تتحقق إلا يوم الأجازة .. فلا بأس.. بل هو زيادة للشوق.. ولا يضيرك أن تكوني طوال الأسبوع نظيفة ومرتبة .. وإذا كنت تتعرضين للخروج أمام هذا الضيف فالتزمي الحجاب .. وأكرمي ضيفك

وحكاية إن زوجك لا يهتم.. غير حقيقية .. هو بالتأكيد يهتم غاليتي .. لكنه يريد تهوين الأمور عليك .. ويعرف أنك صابرة على ضيفه

:24: