بس ليدي :

صدقيني ما راح يسوي كذا وما راح يوري الرساله لأبوك لأنه ببساطه يحبك ومنتظر رجعتك بس محتاج خطوه منك ، هذا طبع رجالنا وكيف يعني يوري أبوك؟!! تراه زوجك  انتي ارسلي له وشوفي وادعي لي

صدقيني ما راح يسوي كذا وما راح يوري الرساله لأبوك لأنه ببساطه يحبك ومنتظر رجعتك بس محتاج خطوه...

فرحتي ابتسامتك :

الله يرحم امك وجعلها في جنات النعيم انتي تبين زوجك وزوجك يبيك ونقطه الظعف العيال خليهم يضغطون ع الثنين ابوك وابوهم يعني حاولي تحننين العيال على ابوهم ذكريهم تذكرون لمن ابوكم شرا لكم كذا او لمن رحنا لذاك المكان وخليهم بس يسؤلون جدي ابوي وينه متى يجي كذا جدهم راح يحن عليهم وعليكم كلكم بعدين حاولي ترسلين ع الواتس لزوجك صور عيالك وارسلي مسج حلو ومرتب ويحنن الصخر (على فكره ترى فيه خدمه تقفل الجوال وتجيك المسجات) ممكن زوجك حاطها لانك تقولين بس اتصلتي ومقفل وانتبهي تقولين لابوك شي اذا قال انتي كلمتيه قولي لا حلي مشكلتك بنفسك لاتعتمدين على ابوك تدرين عندي احساس انه راح يفاجئك انتي والعيال عن قرريب ياااارب لان الي مثل زوجك يحن بقوه بس يمنعه الخوف والمواجهه

الله يرحم امك وجعلها في جنات النعيم انتي تبين زوجك وزوجك يبيك ونقطه الظعف العيال خليهم يضغطون ع...

عقد_الياسمين :

السلام عليكم ورحمة الله الله يفرج همك ويرجعك لزوجك كريمه عزيزه . كل وحده مننا راح تجاوبك مو من حكمه ولكن من وجهة نظر ...ونسال الله ان يفيدك براينا في البدايه مشكلتك تكمن في عدة نقاط سواء من جهتك و جهة زوجك ومن صوب الناس: - تزوجتي عن حب .....يعني زوجك في بداية زواجكم اعطاك وسوا كل المستطاع لارضائك وليبين لك حبه - تزوجتي في عائلة انت الغريبه فيها . -لسانك طويل ...مستغله حب زوجك تدللي و تامري وتنهي ع اساس انك تتغلي . - واضح للناس سواء بقصد او بدون قصد انك مدلله وهذي نعمه محسود عليها الواحد . - كلام الناس من وراك ، واذا مو غلطانه كلام ولد خالة زوجك مو كلامه هو ولكن كلام حريم ودام زوجك غالي عليه وصل له الكلام من باب لا يعيش مضحوك عليه (طبعا غلطان بس هو يحس ان هالشي صح ) - طريقة التفاهم كانت خاطئة ....دام زوجك كان ساكت وينغز بالكلام وبعدها علمك ابسط شي كان لازم تسويه ان تمسكي اعصابك ابكي ما فيها مشكله لان الرجال الحنون اللي مثل زوجك تكسره دموع المراه وبالمقابل يصير جدار قدام الهجوم والكلام الجارح ، يعني للاسف انت خسرتي انك تكسبي زوجك بسبب لسانك وزوجك زي ما قلت لك واضح انه انسان يحب الانوثه و دموع و تفاهم و يكره المشاكل ، صدقيني لو قلبتي الطاوله عليهم انهم يحاولوا يفرقوا بينك وبينه وانك تحبيه وتنقص لسانك تتكلمي من وراه مع تمثيل دور الضحيه سواء كنتي ضحيه او لا كان زوجك راح يقولك خلاص انا مصدقك وراح ينقلب على اي احد يوقف ضدك . يمكن انت باسلوبك كنت تعطيه انطباع انك واثقه انه ما يقدر يسيبك وانك متكبره عليه ، تراه سوالف الرجال في الاستراحات ومع ربعهم ان الحرمه اذا عطيته وجه ركبت على راسك ومن هالقبيل وتحصلي الواحد اذا خطب تجيه النصايح اللي تسم البدن ..فلان الا وتدلعها تراه بتتعود ، وكلام كثير وانا نفسي سمعت رجال يقول ان الشباب ينصحوا هالنصايح البايخه ..فاي واحد راح يحط براسه ان هالكلام صحيح ولازم اثبت لها اني قادر اعيش بدونها عموما الحل بعد المشكله : هناك مفتاح واحد للمشكله هو انك تكلمي شخص أمين على اسرار سواء احد اخوانك او احد كبير من رجال العيله وعلميه بالسالفه ان ولد خالته قال كذا وكذا وهذي هي مشكلتك مع زوجك ، وانك مستعده تقسمي انك ما قلتي هالكلام (طبعا على حسب ردودك نفيتي انك قلتي هالكلام ) ....اما ان هالشخص يروح لزوجك او يسال ولد خالته ويذكر برب العباد وانه بكلامه ووشايته فرق بين رجل ومرته . حل الثاني اللي ما كثير احبذه ولكن اذا تعذر انك تحصلي شخص ، ارسلي رساله لزوجك وبيني له انك تريدي تناقشيه في هالموضوع وانه شهر فضيل لازم النفوس تتصافى بين العباد فما بالك بالنفوس بين زوج وزوجته اللي في الحقيقه يحبوا بعض حتى لو الشيطان تدخل بينهم وناقشيه بكل هدوء واطلبي منه يتاكد من ولد خالته عن الكلام اللي قاله له ، واعطيه كل رد يمكن يدافع عنك وحتى لو هو قام يعلي صوته كوني هاديه ،،،،لكن في هالمرحله حسك عينك تجيبي طاري اهله او تتهمي احد وضعك ما يسمح تهاجمي احد ( لا تظلمي احد وبنفس الوقت لا تخليه ياخذ انطباع انك كارهه اهله او اي كان ) ، المشكله الرئيسيه هي انتوا: -انتي بمعاملتك للرجال ، اي امراه تشوف الرجال يلبي طلباتها تحسب نفسها ملكته هذي طبيعة المراه وطبيعة البشر ككل . - زوجك اللي ما عارف يوازن بين حبه لك واحساسه انك تستغليه ....اذا زعلتي لازم يراضيك ........... ياختي الرجال واضح انه ما زال يحبك والا كان ما قال لك عن الكلام ، اكسبيه قبل لا يضيع بسبب لسانك وكلام الناس كوني حكيمه وعاقله وحافظي على بيتك وزوجك وعيالك . اسال الله ان يرجعك لزوجك ويرزقكم سعادة الدارين

السلام عليكم ورحمة الله الله يفرج همك ويرجعك لزوجك كريمه عزيزه . كل وحده مننا راح تجاوبك...

الآمال الكبيرة :

حسبي الله على ولد خاله مايدري ان هذا تخبيب وهو في حكم الملعون متى الناس تخاف ربها الواحد ما يدري بأي لحظة يموت اما انتي يا ختي الله ينصرك ويرد لك زوجك ردا جميلا خلاص الامر طلع من ايدك وخلي ابوك يتصرف بس فهميه انك ماتبين الطلاق وان شاء الله تعيدين ببيتك مع زوجك والله يشغل كل من يسعى بخراب البيوت بنفسه

حسبي الله على ولد خاله مايدري ان هذا تخبيب وهو في حكم الملعون متى الناس تخاف ربها ...