احلى التنسيقات من مكياج واكسسوارات للمحتارين

السلام عليكم حيا الله بنوتات حواء الحلوات
انا خبيرة تجميل وحبيت اساعد اي وحده محتاره عندها فستان وماتدري ايش تحط مكياج او اكسسوارات تناسب فستانها
لاني ولله الحمد الكل يمدح في ذوقي من اهلي لاهل زوجي واعرف انسق وحده من قريباتي تقولي مدري ليه انتي اذا شفت الملابس اللي تشترينها احس ذوقك غريب ومدري كيف بتصير عليك بالبس بس اذا لبستي ماشاءالله يطلع عليك خيال وتقول ماشاءالله انتي مره تعرفين تنسقين شعرك واكسسواراتك يطلع اللي عليك خيال لوانه متوسط
مره وحده من صديقاتي وهي عروس شرت فستان اسود ومره ضايق صدرها تقولي تكفين وش اسوي انا عروس ومدري كيف شريت ذا الفستان تكفين نسقي لي انتي ذوقك حلو قلت عطيني فرصه وبرد لك بكره لاني حبيت اصمم لها كل شي مكياجها وشعرها واكسسوارها
قلت لها البسي اكسسوارسلسال لولو ملون بما ان فستانك اسود ساده ونفسه الاسوراه وقلت سوي شعرك ويفي مرفوع لانها من النوع اللي تحب الفخامه ماتحب النعومه المهم وقلت لها سوي فيونكات ملونه صغيره مره نفس الالوان اللي في السلسال وحطيها في شعرك طبعا قلت لها اذا شريتي هذولي دقي علي وانسق لك المكياج وطارت من الفرحه وراحت شرت اللي قلت لها شرت التفاحي والاسود والابيض والفوشي والاصفر قلت خلاص سوي سموكي اسود باخضر واصفر موثقيل مره ولاخقيف متوسط قلت لها لاتسوين ثقيل انتبهي لاني اكرهه احسه يشوه الجمال لان عيونها ماشاء الله وساع مره يناسب لها السموكي والاضاءه لؤلؤي وطبعا الروج فوشي والبلاشر زهر
وتحلف بالله يوم راحت الزواج الكل انجن على شكلها مره طبعا الشنطه اسود والجزمه اسود والمنيكير نفس لون الروج
(
انا ماقول الكلام هذا غرور لاابدا هذي نعمه من الله وموهبه وكل اقاربي واللي حولي يثقون بذوقي مره اذا قلت حلو صار حلو عندهم واذا قلت يعني عرفو انه مش ولابد
فالي حابه اساعدها بتنسيق اي شي عندها تامر وانا بالخدمه
ومدري بتعجبكم فكرتي او لا
ولاتستحون ابد حنا هنا اخوات وزي ما انا استشيركم في اشياء ثانيه لجهلي فيها واستفيد منكم حبيت افيدكم باللي عندي خاصه في منتدى عالم حواء احلى منتدى