دى اول مشاركه ليا فى اطباق عزيزيتى الساخنه
كنت شاركت فى المعجنات
يالله ندخل فى الموضوع
اليوم جايبه ليكم احلى واروع بايلا او باهيا كما يقال لها فى اسبانيا وهى طبخه اسبانيه
بسم الله على بركه الله
المقادير
ممكن تضيفى او تقللي على حسب الكميه لى عنك
ربع كيلوا جمبري
ربع كيلوا كلمارى
صدر دجاجه مقطعه مكعبات
شويه لحمه مقطعه مكعبات
ربع كيلوا من اى نوع سمك ابيض تحبيه
الخضار
فاصوليا
جزر
بازلاء او جلبانه كما نسميها احنا
فلفل اخضر احمر اصفر الكميه حبتين من كل نوع
بصل
قزبره
الرز
البهارات
ملح
فلفل احمر بابريكا
فلفل اسود
فلفل حار
زنجبيل
زيت زيتون وزيت نباتى
واكيد ماء
الطريقه
ودى لازم تتعمل زى ماهيا
اولا
ناخد البصل مع الجزر مع البازلاء مع لوبيا مع انواع الفلفل ونسيب ثلاث فلافل للتزيين
ونزيد عليه الزيت المختلطه شويه
وكل البهارات لى عندنا
ونحط على النار ونقعد نقلب فيه
لحد مايدبل ممكن عشره دقايق
ونرفع
وفى نفس المقلات ناخد
الكلمارى مع السمك الابيض لى اختريناه انا بفضل دايما استعمل لحم القرش لان مافيه اشواك ولذيذ جدا
ونضيف ليهم الزيت والبهارات ونترك على النار عشره دقائق
ونضيفوا على الخضار
وفى نفس المقلات
نضع الدجاج مع اللحم والبهارات والزيت وكمان عشره دقائق
ونضيف على الخليط
ويفضل لينا الجمبرى نفس الطريقه ونشيل شويه على جنب لزوم التزيين
بعدين نخلط كل العناصر فى صينيه
وناخد الارز نغسل كويس على حسب كميه الاشخاص طبعا انا بعمل نص كيلوا ارز
وناخد صينيه بابريكس ونحط فيها كل المكونات الخضار واللحمه والسمك ونضيف عليها الارز ونضيف شويه زيت زيتون
ونضيف كزبره وكمان شويه بهارات لزوم الارز
ونخلط الكل
ونضيف كميه الماء اللازمه
انا بقا بعمل ثلاث كبايات ارز بضيف ليهم سته كبايات ماء وبضيف نصف كاس عشان الخضار
وبحط على نار قليله
واغطيه
ولما تمر نصف ساعه
ابتدى اجهز التزيين اقطع الفلفل الاخضر والاصفر والاحمر
واشيل الغطاء من على البابركس وابتدى ازين وش الصينيه واحط الفلافل وكمان الجمبرى
واغطى عليها وانتبه للماء لو محتاج اضيف
انتبه للماء بوضع سكين واعمل فتحه لو فى ماء كويس لو قليل اضيف
وبعد ربع ساعه اشوف لان اكيد راح يكون جهز
وانتبهى مابدنا يحترق لان بيدى طعم وحش
عشان كدا بقول النار قليله ومتفرقه على كل الجوانب
ولازم ينشف من الميه
ونوعيه الارز لازم تكون ممتازه ارز بسمتى مابيتعجن
- ودا شكلها النهائى
سامحونى مالحقت اصور المراحل مره ثانيه
23102010642
23102010641