السلام عليكم ورحمة الله وبركاته
مساكم الله بكل خير
اليوم بدأ زوجي اختبارات الماجستير الله يوفقه يارب
وشفته حزين وضايقه فيه الوسيعه قلت يالله. بشمر عن يديني. وأوسع صدره بالأكله اللي يحبها
دخلت المطبخ وأخذت الدجاج وقطعته. ارباع وغسلته زين زين وفركته بشويه ملح بعدين طوالي عالتتبيله
مقاديرها »
ليمونتين وخليها مع الدجاج بعد العصر تقوي النكهه وملعقتين زيت زيتون وبهاراتك المشكله وكمون ملعقه وملح وفصين ثوووم وخليها تتبل ساعه وكل ماطولت في التتبيله يكون أفضل
بعد كذا أخذ كيس وهذي الطريقه تسهل عليك في التغطيه
أخذ كيس لحم واحط فيه كوبين دقيق وأنا أستخدم الدقيق البر في التغطيه لأنه يعطي لون مره حلو ومايتشرب الدجاج زيت مثل الدقيق الأبيض وأبدي حطي قطعه أو قطعتين في كيس الدقيق ورجي حتى يتغطى الدجاج بالدقيق بالكامل وحتى تنتهي كمية الدجاج ومن دون استخدام بيض ما احتاجه أبدا في التغطيه واقليه
ماتتخيلين كيف مقرمش ومافيه زيت أبدا روعه النكهه أتمني تجربوه
قليت معاه أعواد بطاطس وسويت سلطتي الخاصه
سلطة الملفوف
مقاديرها »
ملفوف أبيض مقطع صغار وبصله صغيره مقطعه صغار وورقة خس إذا موجود أخلطي معها ملعقتين مايونيز وملعقتين زبادي وشوية سكر وشوية ملح. أممممم جدا لذيذه مع المقليات أتمنى تجربوها
دعواتكم لي يابنات نلقى البيت اللي نحلم فيه وربي يسخرلنا. كل صعب ويوفق زوجي في اختباراته وكل الطلاب والطالبات ياااااارب
أخليكم مع الصور
بنت فارس الجود @bnt_fars_algod
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
تسلم ايدك يارب وبالعافيه