احلى حلى قهوة

السلام عليكم
اليوم عندي لكم حلى مرررررررررررررررررررررررررة لزيز وان شاء الله يعجبكم
اتذكر مرة كانت عندي عزيمة وما كنت عارفة اش اسوي حلا عشان العشا فاتكرت ان عندي كتاب اشتريته من جامعة ام القرى اسمه (احلى حلى قهوة) ولما سويته طلع مررررررررررررررررة يجنن عشان سويته بالقوالب البلاستيك اللي زي الجلد والقالب اللي كان عندي كان على شكل فراشة مرة حلوة.
وباسم الله نبدا بالمقادير:
9 الواح جالكسي
2 علبة قشطة
باكيت كامل بسكويت
2/1 كاسة حليب سايل
الطريقة:
اول شي تسيحي 4 الواح جالكسي مع 1 علبةالقشطة
وبعدين تصبيها في القالب وترصي فوقها اليسكوين بعد ما تغطسيه في الحليب
وبعد كده تسيحي الجالكسي الباقي(4) مع القشطة الباقية وتصبيها برضو فوق البسكويت
ولما تخلصي منها تدخليها في التلاجة وتكوني حاطة اللوح الباقي في الفريزر الين يجمد مررررة
وبعدين جيبي البشارة اللي تبشري فيها الجزر او الجبنة عشان تبشري اللوح الجالكسي فوق القالب بعد ما تحطيه في طبق التقديم.
وصحة وعافية على الجميع......... بس انتبهوا لا تسوس اسننانكم مع الحلا...... :22: