احلى خلطة ومن اول مرة ..شفت نتائجها على شعري وشعر بنتي

السلام عليكم ...الخلطة اخذتها من المنتدى من احدى الاخوات جزاها الله كل خير لكن للاسف نسيت اسمها .انا وبنتي شعرنا كشة وما فية حيوية ودائما معصب مدري ليه ..حتى القصة انزلها بيدي تطلع مرة ثانية تقولون الجاذبية من ناحية الشمس الله المستعان ...المهم جبت نصف قارورة زيت دابر املا الذهبي ريحته زي الريد ..ونصف قالب زبدة المراعي غير المملحة الحجم الوسط وذوبت الزبدة في حمام مائي يعني احط الزبدة في قدر صغير فارغ واحط القدر الصغير بداخل قدر كبير به ماء حارونحرك الزبدة حتى تذوب ثم نضيفها لزيت دابر املا. وندهن فيهم الشعر جيدا ونفرك الفروة .ونغطي الشعر ساعتين الى ثلاث ساعات بنايلون ..ثم احضرت مقدار من شامبو برت بلس للشعر العادي حوالي فنجان شاي ووضعته بزبدية بلاستك واضفت له كاس كبير ماء دافي وغسلت به الشعر .كررت الغسل مرتين حتى نظف من الزيت .ثم وضعت عليه دابر فاتيكا الاخضر اللي غطاه موف اللي بالحنا وزيت الزيتون وتركته فيه ربع ساعة ثم شطفته جيدا ونشفته بالمنشفة ولفيت الشعر على شكل كعكة وربطته بمنديل وكل ساعة افكة واسرحة بمشط كبير بشويش واحاول اهويه شوي ثم ارجع الفة واغطية الين جف تماما ثم اخذت مسحة خفيفة من دهن العود ومسحت شعري ومسحة خفيفة من زيت الخروع ومسحت الشعر به ولفيته كعكتين والقصة ما زيتها مجرد مشيت عليها السشوار مرة وحدة بس وبعدين فكي الشعر وشوفي الجمال والنعومة واللمعان .والله من اول مرة.وكمان الريحة الحلوة ..اتمنى لكن التوفيق.