السلام عليكم ورحمة الله وبركاته
كيفكم خواتي العزيزات في عالم حواء البارح الخميس اتفقنا انا وابونا والعيال نطلع كشته منها سهره ومنها نشوي المهم لما ابونا خلص شغله ورجع على الساعه 11 ليلاَ وانا مجهزه كل اغراض الكشته
وكلنا مستعدين لما دخل البيت كان زعلان ومتضايق
قالنا معليش سامحوني ما فيه طلعه قلت ليه قال الجو مغبر وما راح نقدرنطلع قلت ياله خيرها بغيرها <<<<اخلصي قصة حياتها هههههههه
وخليت المشوي غداء ليوم الجمعه
فقلت راح اصوره وانزله لخواتي العزيزات اشوف وش رايهم ..
المقادير :
2 حبه دجاج مقطع الفخذ لحال والصدر لحال والجناح لحال
التتبيله مكونه من :
حبه بصله كبيره او 2 وسط ,,,,, ربع كوب بقدونس وربع كوب كزبره
2حبه طماطم ,,,, 4فصوص ثوم ,,,, 1 ملعقه ك زنجبيل ,,,, فلفل حار حسب الرغبه ,,,,, ملح ,,,, 1ملعقه ك بهار مشكل ,,,,, 1ملعقه ك كاتشب ,,,, ربع كوب خل ,,,, حبه ليمونه ,,,, 2 ملعقه ك صلصه الستيك...
نخلطهم كلهم بالخلاط ثم نتبل فيهم الدجاج ..
نغطيه ونتركه بالثلاجه ساعتين ...
بعد ساعتين نفرد القصدير ونحط الدجاج كل نصف لحاله بقصدير ...
ناخذ الطرف الايمن ونغطيه بالقصدير مثل الصوره...
وبعدها ناخذ الطرف الايسر ونلفه على الدجاج ونخلي بين نهايه طرف القصدير وبين الدجاج مسافه ....
ونلفه مره ثانيه نرفع الدجاجه باليد وندخل القصدير من تحتها مثل الصوره ويصير طبقتين من تحت ومن فوق بعدين نقص النهايه ..
وبعدها نلف الاطراف حتى نقفل على الدجاج مثل الصوره ...
وهذا بعد ما لفيت الدجاج كله ...
وهذا شكلها بعد ما استوت ...
وعشان احمرها من فوق ادهن الوجه بصلصه الستيك اللي هي مثل هذي للي ما يعرفوها ....
واخيراَ هذا شكله في الاخير وبعد التزيين مع البطاطس المقليه ...
من الجنب ...
من الاعلى ....
ان شاء الله يكون عجبكم موضوعي واي استفسار انا حاضره ,,,,,
وبالهناء والعافيه ,,,,