وااااااااو أختي LOOTCHY قرآءاتك رائعه ومتنوعه .. خلينا نحكي فيهم وحدة وحدة (تراني مفجوعه بالكتب:)
كتاب المعجل لفت انتباهي عشان موضوعه .. وبصراحه أول مرة أسمع عنه .. عملت له بحث واكتشفت ان الكتاب جديد 2000-2005 عموما أحس الموضوع ثري وخصب جدا
حكاية انتقال مجتمعات الخليج من فترة ماقبل النفط الى مرحلة الطفرة حكاية فريدة من نوعها ماأعتقد فية مجتعات على مدى التاريخ ممكن تكون عاشت مثل التحول الي عشناه .. لكن للاسف الكتابة عن مثل هالتجربة قليله .. ما قرأت عنها الا خماسية عبدالرحمن منيف ولي معاها وقفة بعد ما أقراء للمعجل وأقارن بينهم:)
بالنسبة لكتاب الرحاله الانجليز .. قرأت كتاب لورنس The Seven Pillars of Wisdom وبصراحه ماعجبني .. يمكن لان الشخصيات الي يتناولها ماتهمني عشان كذا حسيته ممل:(
اما الانجليزي الثاني "مبارك بن لندن" ماقرأت له بصراحه .. لكن مبين على كتابه انة ممتع
أما تشي جيفرا .. هذا بحاله سالفه .. انا معجبه فيه جدااااااا .. بس بصراحة انت من وين اشتريت كتابه ؟؟ عمري ماشفته له شي هنا بالرياض
وااااااااو أختي LOOTCHY قرآءاتك رائعه ومتنوعه .. خلينا نحكي فيهم وحدة وحدة (تراني مفجوعه بالكتب:)...
انت الوحيدة فينا الي تحب الشعر:) يعني بنخلي الشغل عليك .. انتي أقرأي وقوليلنا منو الزين واحنا ندور عليه .. انا بصراحة أحب الشعر الحديث .. يعني ممكن أقرأ لنزار قباني .. أدونيس سعاد الصباح وخالد الفيصل (أحب شعره ليش ماأدري)
بالنسبه للبنوتات المراهقات لا تحاولي تمنعيهم من شي ابدا لأنك كذا بتشديهم له من دون قصد (لما كنت مراهقه كنت اشتري روايات عبير مع اني كنت استسخفها واسميها "مسلسلات مكسيكية" بس أقرأها غصب لاني عارفه انها مو كويسه وفيها قلة ادب) عشان كذا أقولك اتركيهم على راحتهم..
عموما أحس روايات أجاثا كريستي المترجمه جدا تجذبهم .. وهي بوليسية وكل اللي فيها تحقيقات واكشن وجدا محافظة ما فيها اي شي مايناسب البنات..
برضة اشوف البنات يحبوا روايات يوسف السباعي .. وهي بصراحه مثل أفلام رشدي اباظة .. يعني كلها حب في حب .. لكنها مو مكشوفه ونص كم .. يعني لك عليها شوي:( لكنها رومانسية جدا وتلهب خيال البنات وتشبع فضولهم ..