السلام عليكم ورحمة الله وبركاته
كيفكم يانعومات
هذي سنفرتي المعتاده اسويها مره كل اسبوع رووووعه من اول مره تدلكي فيها بتشوفين الفرق ودك تقعدين تلمسين جسمك طول اليوم كانك حاطه بودره
والحلو فيها مكوناتها في كل بيت اكيد
المكونات
فنجالين قهوه سكر حبيبات ناعمه مو الخشن
ملعقه كبيره ملح عادي
نص ليمونه
ملعقه موية ورد
ثلاث ملاعق ملح الحليب
ملاحظه: ممكن الاستغناء عن موية الورد وملح الحليب اذا لم تتوفر
وممكن الاستغناء عن الليمون للناس اللي ما يناسبهم
تخلطيها كلها سواء ما عادا الليمون تحطينه اخر شي وتعصرين وتقلبي لين تحصلي على مزيج ثقيل تقريبا زي ثقل حنا الشعر
بعد الترويش سكري المويه وابدي خذي من الخلطه في يدك وفركي جسمك بحركات دائريه من تحت لفوق ولاتنسين اباطك والفخوذ من جوا والظهر والاقدام واليدين والرقبه وبعد ماتخلصي سوي وجهك على خفيف جدا
بس حاولي تطولي وانتي تدلكي جسمك
وخلاص اشطفي جسمك بالمويه واطلعي وتمتعي من اول ماتحطي المنشفه بتلاحظين الروعه
أنا رائحة الليلك @ana_rayh_allylk
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
بخير دامك بخير
يعطيك العافيه