احلى شوربة الدجاج بالذرة (الصينية) تشكن كورن سوب يم يم

المقادير :
صدر دجاج مقطع مكعبات صغيرة جدا
5 اكواب ماء
فص ثوم مهروس
كريمة الذرة المعلبة تلقينها في قسم المعلبات حاطينه جنب حبات الذرة ومكتوب عليها كريمة الذرة او الذرة المهروسة
علبة حبات الذرة او ذرة مثلجة حسب الرغبة
حبة مكعب ماجي
1/2ملعقة صغيرة فلفل اسود مطحون
1 ملعقة صغيرة ملح صيني اجينا موتو
1 ملعقة اكل سكر لا تستغربون هو اللي يحلي الشوربة
1 ملعقة صغيرة زيت السمسم
كوب ماء +3 ملاعق اكل نشاء+ملعقة اكل حليب بودرة
بيضة واحدة مخفوقة
الطريقة:
ناخذ الزيت ونحطه في القدر ونحط فوقه الثوم ونقلبة زين بعدين نحط علبه كريمة الذرة وحبات الذرة وقطع الدجاج والفلفل الاسود والملح الصيني والماجي والسكر واحركها زين بعدين نحط 5 اكواب ماء بعدين نترك الخليط لين يغلي بعدين ناخذ كوب ماء ونحط فيه النشا والحليب ونذوبهم زين ونحطهم فوق الشوربة وهي تغلي مع استمرار التحريك عشان ما يتكتل واذا لاحظتو ان الشوربة ثقيلة مرة ممكن تضيفون 1/2 كوب ماء وتتركونها تغلي وتذوقون الملح اذا كان ناقص ضيفو شوية من الماجي حسب ذوقكم المهم تخلون الشوربة تغلي بعدين تاخذون البيض المخفوق وتسكبونه فوق الشوربة مع استمرار التحريك حتى تظهر عندكم مثل الخيوط وتتركونها تغلي دقيقة وبالهاء والعافية
تراها سهلة وتاخذ العقل وعلى اصولها واحلى من المطاعم انا دايما اسويها وتطلع حلوة جربوها وسلامتكم :27: