احلى صينية شاورما بالبطاطس المبهر

بِسْم الله الرحمن الرحيم
السلام عليكم ورحمة الله وبركاته
اليوم بقدم لكم طبق لذيذ وسهل وسريع بس يحتاج تجهيز مسبق صينية الشاورما مع دجاج مبهر وصوص لذيذ بقولكم كيف جت الفكره في راسي جتني الفكره من مطعم شاورمر وأخذت الفكره وسويتها بطريقتي
التجهيز المسبق صدور دجاج مغسوله ومشرحه الى شرايح رفيعه بحيث تشريحنها بالعرض بعدين تقطعينها شرايح وحاولي تكون سخيفه وحطيها في صحن غويط حطي عليها فصين ثوم ملعقتين كبيره خل عصير ليمونه ملح ملعقة ببريكا ملعقة بهارات فلفل اسود علبة زبادي وغطيها وخليها في الثلاجه تتشرب التتبيله ساعتين او يوم كامل بعدين وقت الطبخ طلعيها وحطي على النار بصله مفرومه وزيت بس يسخن الزيت حطي البصل وشوحيه الين مايصفر حطي الدجاج وشوحيه الين مايتشرب النكهه ويستوي الدجاج طفي النار وخليه على جنب
في باديه ثانيه او صحن عميق حطي حبتين بطاطس مقطعه مكعبات وحطي معه ملح ببريكا اريغانو فلفل اسود ثوم بودره وتبليها واقليها في الفلبيس اذا قلي زيت اقليها بعدين تبليها وطلعيها وصفيها في الصينيه بعدين حطي الدجاج بعدين حطي خيار مخلل مقطع مكعبات
في الخلاط زبادي نص علبه ملعقتين طحينه ملح عصير نصف ليمونه واخلطها واصبها على الوجه ورشي وجهها سماق وقدميها بالعافيه