احلى طريقه لعمل بلح الشام ومجرب لاتفوتكم

المقادير

كوب ونصف دقيق
كوب ماء
2ملعقه زيت
4بيضه وممكن 3
ملعقه صغيرة خل
فانيليا
ورشه ملح

الشربات او الشيرة

2كوب سكر
1كوب ماء
ليمونه

الطريقه
يوضع السكر ثم الماء ويغلى على النار دون تقليب
ونضع اليمونه بعد الغليان ثم يترك على نار هادئه حتى يتجانس
ممكن بعد ماتطفى عنه تضعى فانيليا او ماء ورد

الطريقه

يوضع الماء على النار حتى يغلى ثم نضع الزيت ونغلق النار
ثم نضيف الدقيق وعليه الملح والفانيليا
ونعجن حتى تتكون عجينه متماسكه وطريه
نتركها حتى تبرد تماما
ثم نضيف البيض بيضه بيضه
حتى تختفى اثار البيضه الاولى نضع الثانيه
لاتضعى البيض والعجينه سخنه حتى لايستوى البيض فى العحينه
مع البيضه الاولى نضيف الخل والثانيه نضيف الفانيليا
وممكن تضيفى اى طعم كمان مع باقى البيض
مثل الهيل اوى اى شى
ثم نعجن كويس اوى
ونلم العجينه ونضعها فى كيس بلح الشام وتكونى دهناه زيت والقمع كمان
والمعلومه دى عرفتها من الاخت الغاليه ام نور
نكمل بقى
جات اهم خطوة وهى سر نجاح بلح الشام
وهى انك تقليه فى زيت بارد
طب لو عمله دورين
يبقى تطلعى الدور الاول وتحطيه فى الشربات او الشيرة الباردة
ثم تقل تانى دور وهيكون الزيت دافى وليس ساخن اهم حاجه مايكون ساخن

ثم يسقى بالشيرة ويرش بجوز الهند او شى عندك
وممكن تحشيه كريمه او كاسترد ويزين بالشوكولاته
ويوضع بالثلاجه
ويقدم وبالهنا والشفا
وصحتين وهنا
جربوا وقولوا لى رايكم