بسم الله الرحمن الرحيم
السلام عليكم ورحمه الله وبركاته
اليوم عندي لكم فطيره تفاح ولا احلى
فطيره تفاح ممتاااااااااااااااازه ولذيذه جدا جدا
وراح تاكلون ايدينكم من وراها :2thmup:
مقاديرها وطريقتها سهله مايبيلها جهد كثييير
المقادير
كوب وربع كوب دقيق ابيض
نص كوب زبده بدرجه حرارة الغرفه
ربع كوب لبن
واربع او خمس ملاعق اكل سكر
الحشوه
اربع تفاحات حمراء
نصف ليمونه صغيره
فانيليا
كوب ماء
بيضتين
ملعقه صغيره دارسين ( قرفه ) .
وملعقتين سكر بني او عادي على حسب رغبتك
مكسرات ( لوز , بندق , ....... ) على حسب الرغبه
توفي.
الطريقه
تخفقين اولا الزبده مع السكر لما تصير كريمه
وتضيفين الطحين بالتدريج حتى يصير شكله مثل فتات البسكوت وبعدها تضيفين اللبن اااخر شي
وتشكلين عجينه لينه لاتلتصق باليدين ابدا
والافضل لا تعجنيها بيدينك..
بعدين رشي شوي طحين وافرديها على شكل دائري بس لازم تراعين انها ماتكون سميكه او رفيعه
تقريبا وسط مناسبه للطبق اللي بتحطينها فيه
ورتبيها زين وبالشوكه سوي فيها فتحات,
وحطيها بالثلاجه عشان تتماسك لحد ماتسوين الحشوه ,
الحشوه سهله اخذي التفاح واغسليه وقشريه وقطعيه مكعبات واغليه بكوب ماء على النار وراح ياخذ من وقتك تقريبا ربع ساعه الى ثلث ساعه لما يلين وينشف الماي مايبقى الا شوي بعدين حطي الدارسين او القرفه وعصير نص ليمونه وخليه يطبخ شوي بعدين
خليه يبرد وحطيه بالخلاط مع البيضتين وشوي فانيليا
ولما يصير المزيج سائل لكن يميل الى الثخن شوي
بعدها صبي المزيج داخل الفطيره وسكري اطرافها بس على داخل وحطيها بالفرن من تحت لما تتحمر نص ساعه بفرن حار على 180 ومن فوق نفس الشي
وعلى طول اول ماتطلع غطيها بطبقه توفي ورشي المكسرات عليها وحطيها بالثلاجه لمده ماتقل عن خمس ساعات لما تتماسك تقدمينها بارده مع العصير او القهوه ..
ملاحظه
التوفي نص كوب سكر تحركينه على النار لما يصير بني وتضيفين قشطه عليه بالتدريج لما يصير عندك سائل ثخين لونه ذهبي ..
ام ماسه @am_mash
كبيرة محررات
يلزم عليك تسجيل الدخول أولًا لكتابة تعليق.
أم ياسمين1
•
تسلم ايديك عيونى
الصفحة الأخيرة