احلى قصيده

عافت الشمس المدينة

عافت الشمس المدينة وأعلنت وقت الزوال
رغبة للنوم منها مع عيون الناعسين
ابعدت من يوم شافت بالسماء ضي الهلال
كنها كانت تهزا بالهلال وتستهين
كفكفت صبح التلاقي من وراء روس الجبال
استخارتني وراحت وابعدت عن كل عين
ونتي اخطيتي خطاها ونعزلتي بالوصال
ولا رحلتي من سكات ولاوعتيني تجين
عشت عمري بالمحبة في سبيل الاحتمال
ونتي تعيشين عمرك تفرحين وتجرحين
من غرورك في جمالك ما عطيتيني مجال
وادري انك تفهميني لو بغيتي تفهمين
كيف اشوف الشمس تشرق بالسماء ونتي ضلال
ومن يعيش بوسط غار للذئاب الجائعين
كنت احسب الكره زايل والجفا لو طال زال
ولابديتي بالغرام ولا بقى فيني حنين
اشهد اني ماخطيت ولانويت الانعزال
وما خدعتك في غرامي لين شفتك تخدعين
اصدقي بالوعد مره لي ولو فيها سؤال
من عرفتك ماذكرتك توعدين وتصدقين
كنت اشوفك من عيونك تامرين اقوى الرجال
والله اني قبل اعرفك ماهقيتك تخضعين
كنت اشوفك تبعدين وقلت من باب الدلال
ون بعدتي عن عيوني قلت باكر ترجعين
كنتي اكثر في عيوني من عدد وبل الخيال
وين انا مالد وجهي كنت اشوفك تضحكين
ون بغيت اصد عنك من يمين ومن شمال
ماقوت عيني تلفت لاشمال ولايمين
عاشقا والعشق بلو واشهد ان الحال حال
ولاتركتي رحمة الله ولاعرفتي ترحمين
ودي انك في غرامي للأسف نلتي منال
افترقنا في دقايق والسبب لعنة لعين
حبك اشبه في غرامي بالوصال الأنفصال
ويلعب الخفاق لعبة كبرياء الخاضعين
بالهواء ماهي غريبه نكبت اعيال الحلال
ولاني اول من يصون ولانتي اخر من يهين
الصداقه في عيون الناس منفى للعدال
ون كان ردت للصراحة كل ابونا مذنبين
والمحبة شبه زالت والصداقة لاتزال
بس اببقا في عيونك خالد الي تعرفين
علميها يا قصيده وضربي فيني مثال
وعرفيها بالبداوة في طباع الأولين
علميها كيف نصنع صبرنا والاحتمال
وعلميها كيف نفلح بالعمل دنيا ودين
وعلميها في سوالف حلنا والارتحال
وعلميها كيف تظهر جورنا للجائرين
علميها يادقايق وعلميها ياليال
وعلميها ياعصور وعلميها ياسنين
ان عشقنا ما بغينا غير عشقا بالحلال
ون نوينا مالفينا غير ناساً طيبين
كاملين في عطانا بس لله الكمال
والرجل فينا غرامه لو يعين ويستعين
ابدويا مايقوده للردى شد الحبال
يعسف اليد الشحيحة للعطاء حتى تلين
همنا فعل الرجوله ورمزنا لبس العقال
ونتي المكياج كله صارفي وجهك سجين
عندك المكياج موضه تحسبين انه جمال
صار همك في حياتك تكشخين وتطلعين
ولا انا قلبي بقالي بالمحبة راس مال
والله اللي مبتليني بالهوى والله يعين
ان بغيت اعشق ابلقا كثر حبات الرمال
لاكن انتي لو بغيتي صعب مثلي تعشقين
قلت لك كل الصراحة واختم اطراف الجدال
ون زعلتي من كلامي تزعلين وتقعدين

والكل عالم ونتم بخير بعد الزحمه

يمنع وضع الإيميل