صار لي زمن عنكم بهالقسم اللذيذ:42:
الجمعه الله يبارك لنا فيه من يوم صحيت الصبح ابغي اسوي حلى وانا عادة اقرر من قبل بليله شنو بسوي لكن امس ماقررت كنت محتاسه وبراسي الف شغله :angry2:
المهم مالكم بالطويله عازه دخلت مطبخي وشمرت ذرعاني وسيقاني >>داشه مسبح الحرمه خخخ
وفتحت الدواليب وخذت من ذا ومن ذا ومن ذاك وفتحت الثلاجه وطلعت تفاحتين شارينهم من ايام الغوص ,والله لو ينطقون انطقوا من كثر مانطوف بالثلاجه ولا نمر عليهم خخخخ
والحين لكم المقادير السهله
علبة كيك العلالي الخلطه الصفراء
3 بيضات
ثلث كوب زيت
كوب ماااااااااااااااااااء:scream:
3 ملاعق شاي قرفه (دارسين)
رشة جوزة الطيب اذا عندكم بالبيت:22:
علبة قيمر او قشطه صغيره نستله او غيرها
2 ملعقه كبيره سكر ناعم
نصف كوب جوز مجروش(عين جمل)>>>نبي عينه بس مو جمل بكبره
تفاحتين مبشورتين بمبشرة الجبن تبشرينهم بشر كبير مو ناعم >>تفاح احمر
الحين نجي للطريقه
خلطي خليط العلالي مع البيض والماء والزيت والقرفه وجوزة الطيب بالخلاط حتى يتجانس الخليط<<بخلاط الكيك
بملعقه خشب اضيفي التفاح والجوز واخلطي زين
ادهني قالب بالزيت وصبي الكيكه ودخليها بالفرن حتى تنضج
لما تجهز قلبيها وبرديها وقطعيها بالنص
اخلطي القيمر مع السكر واحشي الكيكه شوي بس من هالخليط
باقي القيمر والسكر صبيه فوق الكيكه
رشيها بمكسرات او قرفه ناعمه وبرديها بالثلاجه لحين التقديم
عاد انا صورت لكم قطعه بسرعه والصوره مو واضحه
قدميها مع قهوة واستمتعي بالطعم اللذيذ
وادعو لي انا وعيالي وزوجي ومن احب بالهدايه والصلاح والثبات وان الله يرحم امي ويخلي لي ابوي