احلى لزانيا ولا احسن المطاعم الايطاليه

للي يحبون الايطالي هذي احلى لزانيا وراح تدعولي وتاكلون اصابعكم وراها
المقادير:
علبة لزانيا- بصل مفروم- ثوم مدقوق - 1/2 ك لحم بقر مفروم - 11/2 ملعقة طحين - 1 علبة معجون طماطم - 2 طماطم مضروب بالخلاط - صلصة بشاميل سميكه - اوريغانو- حبق - ملح جوزة الطيب - 2 مكعبات ماجي لحم - زيت نباتي - جبن بارميزان-مازاروللا - جبن شيدر مبشور

طريقة عمل صلصة البولونيز:
1- اسلقي اللزانيا مع الملح الى ان تستوي
2- اقلي البصل في شوي زيت على النار في قدر وبعدين حطي الثوم الى ان يتحمروا سوا وبعدين اضيفي اللحمة المفرومه وخليها تستوي
3- حطي فوقهم الطحين واخلطي الى ان يتحول الخليط الى كتل وبعدين حطي عليهم معجون الطماطم واخلطي كوييس
4- اضيفي عصير الطماطم واخلطي تمام الى ان تثخن الصلصه شوي وبعدين حطي الماجي والبهارات وخلي الصلصه على النار لمدة دقيقتين مع الخلط المستمر
5- حطي في صينية الفرن طبقه من صلصة البولونيز ورشي عليهاشوي من البارميزان المبشور وفوقها حطي طبقة من اللزانيا وبعدين طبقه من البشاميل وكرري الطبقات بالترتيب وخلي اّخر طبقه بشاميل ورشي فوقها الباقي من البارميزان والموزاريللا وجبن الشيدر
6- غطي الصينيه ودخليها الفرن على نار متوسطه لمدة 1/2 ساعه وبعدين شيلي الغطى ورجعيها الفرن عشان يتشقر الوجه 00000وبالعافية ياحلوات
ملاحظه00 اللي ما تعرف تسوي بشاميل تجرب البشاميل الجاهز من السلطانه او مازوللا