كيف الصبايا ؟
خواتي امس سويت هاي الأكله وقلت بنزلها عربون احياء الصداقه هههههه لاني من فتره طويله مادخلت المنتدى ...
المووووهيم الطريقه والمقادير مع بعض
الله يسلمكم هذا لسان العصفور تفورينه وتخلينه مستوي بس مب وايد يعني ناضج بس مب معجون لان حبته صغيره ورقيقه
وهذي خلطتي الخاصه وهي عباره عن (( دجاج صدور مقطع صغار ومعاه ليمونتين وملعقين مايونيز وملعقتين خردل ((ماسترد)) وملح وفلفل احمر وفلفل اسود وشويه كمون بس )) تضيفينهم لبصلتين مقليات مع علبه مشورم صغيره علي النار وتخلينهم لين يتشربون السوس مالهم لاتنسين تحطين مكعب ماجي
هني ضفت السبانخ المثلجه كيس كامل ماركه بسمه وتنتظرين لين يفك الثلج وتنشف مايتها
بعدين ياحبيبتي تحطين كريمه مخفوقه انا استخدمت بوك هي اللي كانت موجوده عندي
وهاي الخلطه وهي جاهزه
هنه خلطتها مع لسان العصفور في بايركس وفوقها تصبين (( استكانه كريمه+ علبه قشطه )) نسيت اصور هاي الخطوه اسمحولي
وهذا شكلها النهائي ممممممممممممممممممم واتمتعي باحلي طعم ممكن تذوقينه بحياتج :icon28: