احلى معمول للعيد لا يفوتكم

السلام عليكم
كيفكم احباب قلبي وحشتوني زماااااااااااااان مانزلت موضوع فالقسم هذا
اليوم بقولك طريقه معمول تجنن تدوووووووووووخ وسهله مرررررره والله كانه جااااااااااااااااهز جربوه وشوف بنفسكم كيف يطلع:35:
المقادير
3 كاسات دقيق
نصف كاس حليب بودره
نصف كاس سكر بودره
نصف كاس زيت
اصبع ونصف زبده بحراره الغرفه
نصف ملعقه صغيره خميره
نصف ملعقه صقيره بكنج بودر
ونصف ملعقه بهار المعمول واذا ماعندك حطي شمر وحبه سوداء طبعا تكون مطحونه
بيضه واحده
فايليا ملعقه صغير
الطريقه
اخلطي جميع المقادير مع بعض والله يعينك افركي فالعجينه لين يدينك تتكسر ههههههه هذا اهم شي فالبدايه راح تحسين انها ماهي متماسكه لكن مع العجن والفرك راح تصير تمام
وغطيها طبعا لو تكون فحافظه احسن وبعد ساعتين سويهااا وانا صراحه احطها فالفريزر واسويها بعد يوم او يومين عشان تتشرب الزبده وتكون اطعم

طبعا لجيت اشتغل اطلعها من بدري من الفريزر واخليها تفك بعدين اشتغل فيهااااا
احشيها تمر طبعا اكون مجهزه التمر وحاطه معه شويه زبده او سمنه شويه بس لا تكثرون يعني ملعقه واحط ملعقه صغيره بهار معمول
طبعا اللي ماتعرف تشكل المعمول تدخل اليو تيوب وتكتب طريقه المعمول راح تتعلم كيف تشكلهااا لاني زمان لما كنت اسوي المعمول ماازبطه يطلع قاسي والتمر قليل فكنت غشيمه:hahaha: هههههههه
الحين ماشاء الله اتحدى فيه الكل روووووعه بسم الله علي:39:
ولا تنسين تغطين الصينيه بسفره وانت تشتغلين عشان يطلع لين
والفرن يكون حااار تقريبا ياخذ عشر دقايق وصراحه اشغل اللي فوق اول شي واذا شفت بدا يتغير لونه واستوى اشوفه من تحت اذا يحتاج ولسى مااستوى اشغله من تحت بس مايطول خليك جنبه وطلعيه من الفرن وغطيه على طول بعدين حطيه فحافظه وكل ماطول يطلع احلى من اليوم اللي قبله
جربوه لا يفوتكم وشي رحته فالبيت مع القهوه والبخوووووووور ياسلاااااااااااااام
على فكره هذي الطريقه اخذتها من هنا بس ناسيه من صاحبتها طبعا انا غيرت فيه شوي
اذا عندك اي سوال على الخاص وسامحوني مااعرف ارتب الكلاااااااااام مدري وش فيني ضربتني دلاخه هاليومين
لاتنسوني من دعواتكم الصادقه لي بالشفاء والحمل التام السليم ولي زوجي بالهدايه
استودعتكم الله