هاي حبيباتي كيفكم ان شاء الله بخير
اليوم بقولكم عن طريقة معمول يهبل وخيال واذاجربتوه راح يعجب اللي حولكم انا سويت منه صندوقين والله العظيم انهبلو عليه حتى جيراني امدحوه سر المعمول بعجينته الحشوات بقولكم عن حشوات مختلفه انتم وذوقكم مااطول عليكم
المقادير:
2وربع كوب طحين كويتي
ثلاثة ارباع الكوب سكر ناعم
ثلاثة ارباع الكوب زبده
2صفار بيض
ثلاثة ارباع الكوب قشطه
نصف م ص فانيليا
نصف م ص باكينج باودر
الطريقه:
_تخفق الزبده والسكر حتى تصبح خفيفه مثل الكريمه
_ونضع صفار البيض والقشطه والفانيليا وونخفق جيدا
_ونضع الباكينج باودر والطحين المنخول ويعجن جيدا حتى تتكون عجينه طريه
_تغطى وتترك مدة 30 دقيقه وتستعمل
الحشوات المقترحه:
الحشوه1:(كوب سكر محروق _كوب جوز هند_علبة قشطه)بعد حرق السكر نظيف القشطه وجوز الهند وراح تحصلون على حشوه طريه وشكليها على كيفك واستخدميها
الحشوه2:(كوب تمربدون نوى _1م ك زبده_ثلث كوب جوز مفروم حسب الرغبه _رشة يانسون _1م ص هيل مطحون)
تخلط مقادير الحشوه جميعا وتسخن على النار مدة دقيقتين وتستخدم
تقدرون تبتكرون حشوات ثانيه الاساس العجينه صدقوني راح تنفع معها اي نوع حشوه تجنن انتظر اردودكم لاتطنشون

ام راكان12 @am_rakan12_1
عضوة نشيطة
يلزم عليك تسجيل الدخول أولًا لكتابة تعليق.

NON_55
•
يعطيك العافيه إن شاء الله نجربه شكله لذيذ.




الصفحة الأخيرة