هادا أول موضوع ليا في قسم البشرة لأني ما أحب اكتب الا حاجة
جربتها وأتأكدت منها
بصراحة مسكينة اللي ما تعرف المقشر دا
لأنه كنز كنز كنز
نظافة ونعومة وتفتيح ونتايجه فوريه والله
وصراحة مرررررررررة واااااااااااو
يا سكرات ندخل في الموضوع على طول أنا جربت اكتر
من مقشر كلكم تعرفوها او سمعتوا بيها
جربت
ملح الحليب ( اليوكو )
كانت النتيجة لا بأس يعني نعومة وريحة حلوة .. اوكي ..
وجربت
مقشر الخوخ من ستيفز
ونتايجه اروع من ملح الحليب وصراحة احبه ..
بس إلى الآن مو هادا الشي السحري
جربت كمان
زيت الزيتون وملح القصب
صراحة ما عجبني او يمكن انا ما عرفت استخدمه صح ..
اما المقشر الرائع اللي فاجئني جدا بنتايج خياليه
والرخيص واللي موجود في اغلب البيوت
وأغلب الناس للأسف ترميه :icon33::icon33: :icon33:
وزعلانة اني ما عرفته الا متأخر
هو بكل بساطة ( تفل القهوة )
وانا باتصفح كالعادة لقيت وحدة كاتبه عنه والله مني فاكرة اسمها
وقررت اني اجربه ..
والله يابنات انه شي خيال نعومة ما لقيت زيها في
ولا مقشر من اللي جربتهم ولا حتى كريم
بشرة زي بشرة الأطفال (ماشاء الله تبارك الله )
والله
ملمس راااائع
وهادي اول مرة استخدمه يعني التجربة طازه والنتايج فورية
وكمان لاحظت شي تاني
اكواعي وباطي فتحوا ..
بس ركبي للأمانة ما حسيت بفرق ..
لا يفوتكم يابنات الطريقة سهلة مرررررررررررة
ادخلي الحمام وخدي شوية من تفل القهوة في يدك وافركي
وجهك ورقبتك ويدك وركبك واكواعك
وباطك وكل جسمك وانا صراحة
فركت حتى منطقة العانة وثنية الأفخاذ
افركي فرك وسط مو بحنية ولا بعفاشة وسط
و بيدك مو بالليفة وبطريقة دائرية
وبعدين غسلي جسمك كله بالموية بس بدون صابون
وكده خلصنا ما تاخد منك5 دقايق
ولمن تطلعي ادهني جسمك بالمرطب اللي تحبيه وترتاحي عليه
وصح نسيت اقلكم اللي يبقى لاترموه حطوه في تبسي او صينيه
وخلوه في مكان جيد التهويه
ولمن ينشف كويس مرررررة حطوه في كيس
او علبة واستخدموه وقت تاني
وبث ..
يا عسولات والله ما كتبت تجربتي الا للفائدة
ومن كتر ما ذهلت من النتايج و اللي محا تجرب هيا الخسرانة
يالله بلا كسل كل وحدة تاخد تفل القهوة من دلتها وعالحمام عالطول :mad:
هههههههههههه
الله يسعدكم جربوها محا تندموا صدقوني حتدعولي على طول
ابوس يدكم جربوها خخخخخخخخخخخخخ ...
والله مررررررررررة متحمسة وعنجد عجبتني مرررررررررررة
الله يسعدها وويوفقها اللي كتبت عنها ودلتني عليها ..
ادعو للي كاتبة الوصفة الاساسية .. لا تنسوا ..
بس تنبيه يابنات البشرات تختلف
وكل وحده غير التانية
اللي ما تنفع معاها لا تجي وتدعي عليا الله يرد دعوتها عليها عشان
انا والله ما كتبت الا الصدق واللي حصل معايا
ولاتنسوا تقيموا الموضوع عشان الكل يستفيد وادعولنا انا وصاحبة الخلطة ..
والسلام عليكم ورحمة الله وبركاته ..:27:
فعلا البن مقشر رااااااااائع انا ما استغني عنه ...
وعلى فكرة ترآ يحآرب السيلوليت ... ويشد الجسم مع الوقت ...
وكمان يفتح ...