انا قريت وصفات كنتاكي كتيييييييييييييير اوي
ودي احلى وصفة مجرباها
وولادي بيحبوها جداااااااااااااااااا
نبدأ بسم الله
1 - نقطع الفراخ قطع متوسطة يعني الاوراك نصين والصدور 4
2- نشيل الجلد خااااااااااالص
3- بطرف السكين ننغزهاا كتير كتير علشان تتشرب التتبيلة ويكون طعم اللحم حلو اوي وكمان تستوي بسرعة
4- نيجي بقة للتتبيلة السرية
عصير بصل - فصين ثوم - ملح - فلفل اسود - مسطردة -عصير ليمون(نسيت اكتبه في الاول)- توابل (هبقى اقول لكم عليها لانها 13 نوع بطحنهم في البيت )
5- نسيبها في التتبيلة من بالليل للصبح
6- نحطها في دقيق وبعدين بيض ووبعدين فجيتار ولو عايزينها كرسبي يبقى مع الفجيتار كورن فلكس
وااااااااااااادي الصور
7- نقليها في زيت غزييييييييييير ونار هادية خالص على العين المتوسطة بتاخد تقريبا ساعة وبتطلع واااااااااااااااااو
مقرمشة من برة ومستوية جدا جدا من جوة والقرمشة لازقة مش بتفك خالص وطعمها جنااااااااااان
جربوها هتعجبكم جدا
