صباح الخير:heart:
اليوم جايبة لكم طريقة موكا بارد رووووعة أحلى موكا بتغنيكم عن ستار بكس ود كيف و كل الكافيات
و بسيطة وما تاخذ وقت..
المقادير :
2 م . ك : سكر " ترا الخشن ما يفرق "
2 م . ك : شوكلاته بودره .." نسكويك "
2 م . ك : نسكافيه .." اي نوع "
5 م . ك : حليب " اي نوع "
2 ظرف : دريم ويب " اي نوع "
1 ك : ماء باااارد " ماله انواع "
15 ثلجه مجروشه . " يعني تجيبين من الفريزر 15 حبه ثلج و تكسرينها باي طريقه "
للتـــزيين :
* الويب كريم : يا اما تشترينه من السوبر ماركت .. وهذي صورته
والافضل أنك تشترينه <<< وحدة عجازة :pinklove:
او انك تسوينه .. و طريقته سهله ..
<< بيااله حليب + 2 ظرف دريم ويب >> تقريبا مثل طريقه عمل الدريم ويب ..
* شوكلاته هيرشي : الشوكلاته السائله ..
أو الكراميل ..
وممكن أنك تسوين الكراميل اللي هو التوفي
مقادير التوفي ::
( أ )
كاس سكر
ربع اصبع زبده ..
(ب)
ملعقة قشطه
بيالة حليب سائل ..
نحط المقادير ( أ ) على النار حتى يذوب السكر و يشقر تشقير خفيف
يرفع عن النار و بسرعه نضيف المقادير (ب) و نحرك زين ثم يعاد على نار خفيفه , مره ثانيه
مع التحريك المستمر حتى يذوب تماماً و يتجانس وننتبه ألا يحترق أو يغمق لونه.. و بس ..
الطريقه :
توضع كل المقادير في الخلاط " الكاس " .. ونخلطها
و تصبين المقدار اللي خلطتيه في الكاسات .. و تجيبين الكاس و تسوين فيه حركات .. يعني تزينينه ,, بشوكولاته هيرشي او : بالتوفي : << على حسب >>.. و تسوين خطوط عاموديه او يكون دائري .. على حسب فنـّــك ..
بعدها تحطين فوقه " الويب كريم " و تحطين فوقه " هيرشي " او " توفي "
ملاحظة:
" المقدار هذا يكفي كوبين كبار 300 مل
" لجرش الثلج حطيه بكيس و دقيه بيد النجر عشان يتهشـم ..
جربوه تراه لذيييييييذ مرررررة بشهادة كل من ذاقه..
وللامانه انا مجربته وادمنتتتته ونقلته لكم :p
وسلامتكم
غدا أجمل.. @ghda_agml_20
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
يسسسلمموا الايادي
ويعطيك العافية
وأكيد جاري التجريب