امس بس جربته وكانت النتيجه مبهره
وللامانه ما كنت دقيقه عند وضع المقادير وهذا احلى شئ ، يعني مافي قلق ان العجين يخرب بسهوله اذا اختلفت المقادير شويه وفي مجال للتفنن بالخلطات طبعا ..
اخلطي المقادير الجافه في زبديه عميقه وهي :
2 كوب دقيق
1 ملعقه صغيره كربونات صوديوم
1 ملعقه صغيره بيكنج بودر
1 ملعقه صغيره فنيليا
2 ملعقه شوكولاته بودره
2 ملعقه نسكافيه
والان في زبديه ثانية اخلطي المقادير السائله :
1 بيضه
نص كوب زيت نباتي
3 ملاعق كبيره زبادي
نص كوب حليب سائل ( انا سويت حليب انكور يعني مو لازم حليب السعوديه ، اي حليب موجود عندك اخلطيه وحطي منه شويه )
نص كوب سكر اسمر ( انا عن نفسي افضل السكر الاسمر ، اللي ما عندهاا اسمر وتبي تستخدم سكر ابيض بكيفها ، انا افضل الاسمر لانه صحي اكثر من الابيض وما يخلي الاكل مره حلو يعني الحلى يكون متوازن مو مبالغ فيه )
واكيد بتسألون ليش نحط السكر مع المقادير السائله مو الناشفه ، والسبب اننا نبغاه يذوب شوي وما يبين في المزيج النهائي .
الطريقه :
بكل بساطه اخلطي المقادير السائله بالملعقه لغاية ما تندمج شوية ، ونفس الشئ المقادير الناشفه
وبعدين اسكبي المقادير السائله فوق الناشفه واخلطيهم بالملعقه راح يصير عندك مزيج لزج وبس خلصت الطريقه :)
انا بعد اضفت عليه حبات شكولاته هيرشي ، وممكن تضيفي اي شئ تحبيه ، مكسرات او جوز او كورن فلكس محمص ، اي شئ في هذي المرحله .
الان طبعا تكوني مجهزه صينيه الكب كيك سيليكون او ستيل اللي موجود عندك
حطي اكوب ورق واسكبي خليط المفن اللي جهزتيه بشكل متساوي ، انا عن نفسي استخدم ملعقه الايسكريم علشان اضبط الكميات بالتساوي ،
دخليه الفرن تقريبا 20 دقيقه ويصير عندك احلى مفن
بدون زبده وببيضه وحده بس ، وسكر اسمر ، يعني مفن صحي ولذيذ وما تحسي بالذننب بعد ما تاكليه :)
الصور صراحه ما فيا اجلس اصور وانقل صور للكمبيوتر علشان كدا بحط لكم صوره من النت تشبه النتيجه وخلاص ، المفن كله زي بعض :35:
سبحان الله العظيم