انا مو متعودة اكتب بهالمنتدى بالرغم من اني مسجلة من 2005 الا اذا لقيت عندي شي ممكن يكون مفيد
والله ما كتبت هالموضوع الا من بعد تجربة ومعاناة كبيرة في عمل الحلاوة
تفضلوا اقرؤا ولا تنسوا تذكروا الله
هادا الموضوع كتبته بمنتدى تاني ونقلته لكم مثل ما كتبته
بتعرفوا هموم البنات كتيرة وخاصة فيما يتعلق بانوثتنا
ومن اكبر هالهموم بالنسبة لي هي الحلالالالالالالالاوة
بحب اعملها بالبيت مع انه الصيدليات والمحلات مليانة اشكال الوان
بس ما دخل مخي غير الطريقة التقليدية لانها بتخلي الجسم ناعم وبتخلي الشعر ما يطلع الا لبعد شهر
بس المشكلة انها مرة بتزبط من اول محاولة وعشرة مرات ما بتزبط
المهم لقيت طريقة حلوة جدا
وهي العسل الطبيعي بس
جيبوا علبة عسل من ارخص نوعية وصبيها في قدر ستينلس وحطي عليها نقطتين فقط نقطتين مو اكثر ليمون وخلوها عالنار لمدة 5-7 دقايق بس على نار هاااااااادية والنتيجة بتطلع معك احلى وانعم واخف حلاوة بالعالم وبتنظف تنظيف راااااااااااااااائع وكل ما بدكم تستعملوها سخنوها شوية بس عالنار
اللي بتجربها تخبرنا شو صار معها وتدعيلي من قلبها
شكلها كأنها قاسية بس هي خفيفة وناعمة الصور مو موضحتها كتير
ممكن تقولوا حرام استعمال النعمة انا ما بفتي بس اقيس على نفس مسألة السكر والله اعلم
الموضوع غير منقول وما كتبت اسمي عالصور بس اللي بتحب تنقله تنقله براحتها بس المهم ادعولي