السلام عليكم ورحمة الله
ياهلا ومرحبا بالغاليات كيييييييفكم ان شاء الله بخير
هذا اول موضوع لي اكتبه هنا
اتمنى انه يعجبكم
بجد يابنات اذا سوت مقلوبتي الكل ينهبل ويسالني عنها
الطبق هو مقلوبه الدجاج بالخضار
طبعا المقادير لشخصين او ثلاثه بحكم ان انا وزوجي بس
واللي تبيها لاكثر من كذا تزيد في الكميه
المقادير هي :
نص دجاج مقطعه 3 اجزاء منزوعة الجلد
حبة طماطم
2 بصل واحده قطعيها صغار والثانيه حلقات
حبه باذنجان مقطع دوائر
حبه بطاطس مقطع دوائر
كزبره قد قبضة يد وبعدين افرميها
نص ملعقه صغيره ثوم وزنجبيل مفرومين مع بعض انا اشتري الجاهز من بنده
مكعب ماجي
ونص ملعقه صغيره ماجي ابيض
رز بسمتي
البهارات :
( هيل 3 حبات , مسمار 3 حبات , كركم نص ملعقه صغيره , نص ملعقه صغيره بهار كاري مدراس , ربع ملعقه صغيره بهارات مهران , ورقتين غار ) .
الطريقه :
نحمس البصل المفروم في زيت لحد مايذبل ويشقر لونه ثم نحط عليه الطماط والثوم والزنجبيل
ونحركهم ثم نحط فوقه الدجاج والبهاراااات كلها والماجي
والكزبره المفرووومه ونحط عليه ماء لين يغطي الدجاج بس مو تكثرين المويه
وتغطين القدر وتخلينه يطبخ
وفي هالوقت تقلين البطاطس والباذنجان والبصل الحلقات
وتخلينهم على جنب
بعد ماينضج الدجاج وتكون مويته شبه ناشفه نصف الخضار المقليه في قدر الدجاج
تكونين سالقه الرز في ماء وملح وماجي ابيض
تاخذينه وتحطيه على الدجاج والخضار وتكتمين القدر بقصدير الى ان الرز ياخذ نكهة الدجاج والخضار
وتقدميه مع السلطه
وبالعافيه عليكم حبيباتي
وهنا صورة الطبق
وهنا بعد
اتمنى انكم تجربونها ويارب تحوز على رضاكم
واعذروني يابنات لاني ماصورت الخطوات لان زوجي جاء فجاه واضطريت اسوي الغدا بسرعه
وماصار عندي وقت
دعواتكم لي يالغاليات
::
::