احلى والذ واسهل كيكة بصوص القرفه ...ماني عارفة اش اسميها..

يسعد صباح كل السهرانين على الحلويات
بعد ماشفت حماسكم وتشجيعكم في موضوعي الاول
تشجعت اني انزل لكم طريقة كيكة القرفة السريعه
وهذا رابط موضوعي الاول
بلا بيتزا هت بلا دومينوز.. تعالوا عندي اقولكم

الموهيم ياعزيزاتي نجي للمقادير:
IMG00589-20101104-1741
8 ملاعق حليب نيدو محمص
8ملاعق دقيق ابيض لاحظوا كيس الدقيق خلص ههههه
فنجانين قهوة سكر
بيالة شاي زيت
بيضة
فانيلا >>> نسيت اصورها
ملعقة كبيرة بكنج بودر

الطريقة :
نخلط كل المقادير مع بعض ونضيف لها شوية موية الين تصير زي خليط الكيك
وهنا بعد ماخلطنا كل المقادير
IMG00591-20101104-1751


وبعدين نصب الخليط في صينية مدهونة بزيت ومرشوشة بدقيق
IMG00592-20101104-1751

ونشغل الفرن من تحت على نار هادية وننتظر الين ما تستوي
وترى ماتاخذ وقت كثير


في هذه الاثناء نجهز الصوص وهذه مقاديره:
IMG00605-20101104-1820
قشطة
ملعقتين حليب نيدو
فتجان قهوة سكر
ونضربها مع بعض في الخلاط
ونبردها

وبعد ماستوت الكيكة نبردها ونحط الصوص فوقها ونرشها بالقرفة المطحونة بواسطة صفاية او منخل
وبعد كذ تدخل الثلاجة الى وقت التقديم ولو تقدمت في ساعتها نووووبروبلم
وهذه اول قطعة لاول وحدة ترد
IMG00608-20101104-1930

والف عافية على قلوبكم
انتظر ردودكم والي عجزانه تكتب ولا مستعجلة يكفيني الشكر
واعذروني على رداءة التصوير